સ્ટેટ સ્ટાર્ટઅપ રેન્કિંગમાં સતત ત્રીજા વર્ષે ગુજરાત પ્રથમ, સૌથી વધુ સ્ટાર્ટઅપ રજીસ્ટ્રેશન બદલ GTU GIACનુ સન્માન કરાયું | Gujarat 1st, GTU GIAC honored for highest number of startup registrations in state startup ranking for third year in a row

અમદાવાદ35 મિનિટ પહેલા

• કૉપી લિંક

ફાઈલ તસવીર

વડાપ્રધાન નરેન્દ્ર મોદી દ્વારા શરૂ કરવામાં આવેલ આત્મનિર્ભર ભારત અભિયાનના લક્ષ્યને પહોંચી વળવા માટે સ્ટાર્ટઅપ ઇન્ડિયા અને સ્કિલઅપ ઈન્ડિયા મહત્વનો ભાગ ભજવે છે. જે અર્થે સહભાગી થતાં દરેક રાજ્યોને મિનિસ્ટ્રી ઓફ કોમર્સ એન્ડ ઇન્ડસ્ટ્રીઝ દ્વારા સ્ટેટ સ્ટાર્ટઅપ રેન્કિંગમાં જાહેર કરવામાં આવે છે. તાજેતરમાં જ મિનિસ્ટ્રી ઓફ કોમર્સ એન્ડ ઇન્ડસ્ટ્રીઝ મંત્રી પીયુષ ગોયલે જાહેર કરેલ બેસ્ટ સ્ટેટ સ્ટાર્ટઅપ રેન્કિંગમાં ગુજરાત સતત ત્રીજા વર્ષે પ્રથમ સ્થાને રહ્યું છે.

કમિશનર ડો. રાહુલ ગુપ્તાના હસ્તે બહુમાન કરાયું
આ સંદર્ભે GTUના કુલપતિ પ્રો. ડો. નવીન શેઠે જણાવ્યું હતું કે, સ્ટાર્ટઅપ અને ઈનોવેશન ક્ષેત્રે આજની ટેક્નોક્રેટ યુવા પેઢી અવગત થાય અને કાર્યરત રહીને આત્મનિર્ભર ભારત અભિયાનમાં પણ સહભાગી બને તે હેતુસર GTU સતત પ્રયત્નશીલ રહે છે. જેના ફળ સ્વરૂપે ગુજરાત સમગ્ર દેશમાં અગ્ર હરોળમા સ્થાન પામ્યું છે. GTUના કુલસચિવ ડો. કે. એન.ખેરે GTU GIACના CEO તુષાર પંચાલને આ બદલ અભિનંદન પાઠવ્યા હતાં.સ્ટાર્ટઅપ ગુજરાત દ્વારા સૌથી વધુ સ્ટાર્ટઅપ રજીસ્ટ્રેશન અને ‌વિશેષ યોગદાન બદલ GTU GIACને ગુજરાત ઇન્ડસ્ટ્રીઝ કમિશનર ડો. રાહુલ ગુપ્તાના હસ્તે બહુમાન કરાયું હતું.

9.38 કરોડની ગ્રાંન્ટ ફાળવવામાં આવી
સ્ટાર્ટઅપ ગુજરાત પોલીસીમાં GTUના સૌથી વધુ 42 સ્ટાર્ટઅપ રજીસ્ટર્ડ છે. GTU GIACએ ગુજરાતમાં સૌથી વધુ માન્યતા પ્રાપ્ત સ્ટાર્ટઅપ રજીસ્ટર્ડ કરાવેલ છે.વર્તમાન સમય સુધી GTU GIAC દ્વારા 9.38 કરોડની ગ્રાંન્ટ ફાળવવામાં આવી છે. GTU સંલગ્ન સ્ટાર્ટઅપ કર્તા દ્વારા 34 કરોડનું વાર્ષિક ટર્ન ઓવર અને 3000થી વધુ લોકોને રોજગારી પૂરી પાડી છે. કુલ 526 સ્ટાર્ટઅપને મદદરૂપ થયેલ છે, તથા સ્ટાર્ટઅપ ઈનોવેશનની જાગૃકત્તા કેળવવા માટે 463થી વધુ આઉટરીચ પ્રોગ્રામ તેમજ 3466 વિદ્યાર્થીઓના પ્રોજેક્ટને સપોર્ટ કરવામાં આવેલ છે. આ ઉપરાંત 160 પેટન્ટ , ટ્રેડમાર્ક અને ડિઝાઈનનું રજીસ્ટ્રેશન પણ સફળતા પૂર્વક કરવામાં આવેલ છે.

અન્ય સમાચારો પણ છે…