Team India માં પસંદગી નહીં થતા સાંઈબાબાના દરબારમાં પૃથ્વી શો, કહ્યુ-બધુ જોઈ રહ્યા છોને બાબા

ન્યુઝીલેન્ડ અને બાંગ્લાદેશ સામે ભારતની કુલ 4 ટીમોની જાહેરાત કરવામાં આવી હતી અને પૃથ્વી શૉ કોઈપણ ટીમમાં સ્થાન મેળવી શક્યો ન હતો.

ઑક્ટો 31, 2022 | 11:29 PM

TV9 ગુજરાતી | સંપાદિત: અવનીશ ગોસ્વામી

ઑક્ટો 31, 2022 | 11:29 PM

BCCI એ ન્યૂઝીલેન્ડ અને બાંગ્લાદેશ સામેની કુલ 4 સિરીઝ માટે ભારતીય ટીમની જાહેરાત કરી હતી અને પૃથ્વી શૉ આ ચાર સિરીઝ માટે ટીમમાં સ્થાન મેળવી શક્યો નહોતો. સ્થાનિક ટુર્નામેન્ટમાં તેના મજબૂત પ્રદર્શન છતાં ચારેય ટીમોમાં શોની અવગણના કરવામાં આવી હતી.

ટી-20 વર્લ્ડ કપ બાદ ભારત ન્યૂઝીલેન્ડ અને પછી બાંગ્લાદેશનો પ્રવાસ કરશે. ટીમ ઈન્ડિયા ન્યૂઝીલેન્ડ સાથે 3 ટી-20 અને એટલી જ વનડે મેચ રમશે. આ પછી બાંગ્લાદેશ 3 વનડે અને 2 ટેસ્ટ મેચ રમશે. શૉના નામની ટીમમાં કોઈ વિચારણા કરવામાં આવી ન હતી.

ટીમની જાહેરાત બાદ શો ખૂબ જ ભાવુક થઈ ગયો હતો. તેણે ઈન્સ્ટાગ્રામ પર એક સ્ટોરી શેર કરી છે. સાઈ બાબાની તસવીર શેર કરતા શોએ લખ્યું કે મને આશા છે કે તમે બધું જોઈ રહ્યા હશો.

ડોમેસ્ટિક ટૂર્નામેન્ટમાં શૉના પ્રદર્શનની વાત કરીએ તો છેલ્લી 10 મેચમાં તેણે પોતાના બેટથી 2 સદી અને 2 અડધી સદી ફટકારી છે. તે શાનદાર ફોર્મમાં જોવા મળી રહ્યો છે.

શૉએ ભારત માટે છેલ્લી મેચ જુલાઈ 2021માં શ્રીલંકા સામે રમી હતી. તેણે ભારત માટે 5 ટેસ્ટ, 6 વનડે અને એક T20 મેચ રમી છે.

સૌથી વધુ વાંચેલી વાર્તાઓ