ગીર સોમનાથઃ મોહનસિંહ રાઠવા બાદ કૉંગ્રેસને વધુ એક ઝટકો લાગી શકે છે. મળતી જાણકારી અનુસાર, તાલાલા બેઠક પરથી કોગ્રેસના ધારાસભ્ય ભગવાન બારડ આવતીકાલે ભાજપમાં જોડાય તેવી શક્યતા છે.
મળતી માહિતી અનુસાર ,ગીર સોમનાથ જિલ્લાની તાલાલા બેઠક પરથી કૉંગ્રેસના ધારાસભ્ય ભગવાન બારડ આવતીકાલે રાજીનામું આપી ભાજપમાં જોડાય તેવી સંભાવના છે. આજે બાદલપરા ખાતે કાર્યકરો સાથે બેઠક યોજી ભાજપમાં જોડાવવા અંગે ચર્ચા કરી હતી. જોકે, ભાજપમાં જોડાવવા અંગે હજુ સુધી તેમણે સત્તાવાર જાહેરાત કરી નથી.
ભગવાન બારડે 2000 જેટલા તાલાલા સુત્રાપાડા તાલુકાના સમર્થકો સાથે બેઠક યોજી હતી. કોંગ્રેસમાંથી વિદાય અને ભાજપમાં પ્રવેશ મુદ્દે બેઠકમાં ચર્ચા કરવામાં આવી હતી. ભગવાન બારડે તેમના બાદલપરા ફાર્મ હાઉસ ખાતે બેઠક યોજી હતી.
Gujarat Election 2022: ભાજપમાં જોડાતાં જ મોહનસિંહ રાઠવાએ કરી મનની વાત, કહ્યું – “ભાજપ 100 ટકા….”
Gujarat Election 2022: ગુજરાત વિધાનસભા ચૂંટણીના મતદાન પહેલાં રાજકીય કાવાદાવા શરુ થઈ ગયા છે. આજે કોંગ્રેસના દિગ્ગજ સિનિયર નેતા મોહનસિંહ રાઠવાએ કોંગ્રેસનો હાથ છોડીને ભાજપની ભગવી ટોપી અને ખેસ ધારણ કરી લીધો છે. ભાજપના મીડિયા સેન્ટર ખાતે યોજાયેલા સ્વાગત કાર્યક્રમ અને પત્રકાર પરિષદમાં ભાજપમાં જોડાતાં જ મોહનસિંહ રાઠવાએ પોતાના મનની વાત કરી છે.
રીલ્સ
સમય સમય બળવાન હૈ…
ભાજપમાં શા માટે જોડાયા તેનું કારણ જણાવતાં સમય સમય બળવાન હૈની પંક્તિના ઉચ્ચારણ સાથે મોહનસિંહે કહ્યું કે, “ભાજપ પક્ષમાં મારા જીવનનું સદ્ભાગ્ય સમજું છું.” આ સાથે મોહનસિંહે દિલીપ સંઘાણીનો આભાર માન્યો હતો. પછી કહ્યું કે, “વર્ષોથી મારી લાગણી હતી ભાજપમાં જોડાવાની એટલે ભાજપમાં જોડાયો છું. મારે કોઈ પક્ષ સાથે અણબનાવ નથી કે કોઈનો વિરોધ નથી.”
મારા પુત્રને ભાજપ 100 ટકા ટિકિટ આપશેઃ મોહનસિંહ
વિધાનસભા ચૂંટણી માટે ટિકિટ મળવાના પ્રશ્ન પર મોહનસિંહ રાઠવાએ કહ્યું કે, “મને કોંગ્રેસે ના પાડી નથી કે તમને ટિકિટ આપવાની નથી. પણ તે પહેલાં જ મેં ભાજપમાં જોડાવાનો નિર્ણય કર્યો હતો. મારી ઉંમર થઈ છે એટલે મારા દિકરા રાજેન્દ્રસિંહ રાઠવાની લાગણી છે કે, આપણે ભાજપમાં જોડાઈએ. ભાજપ વાળા તો 100 ટકા અમને ટિકિટ આપવાના જ છે. મારે ટિકિટ નથી જોઈતી.” આમ ભાજપનું પાર્લામેન્ટરી બોર્ડ નક્કી કરે તે પહેલાં જ મોહનસિંહે ટિકિટનો વિશ્વાસ વ્યક્ત કર્યો હતો.
