સુરત14 મિનિટ પહેલા
- કૉપી લિંક
જમીન માંથી પસાર થતી પાઇપલાઇનમાં પંચર કરીને ઓઇલ ચોરી કરનાર આરોપીને સુરત ક્રાઈમ બ્રાન્ચે ઝડપી પાડ્યો.
દેશના અલગ અલગ રાજ્યોમાં ચોરીનો ઓઇલ વેચનારને પકડવામાં મોટી સફળતા મળી છે. આંતર રાજ્ય ઓઇલ ચોરીનું મોટું કૌભાંડ સુરત ક્રાઈમ બ્રાન્ચે ઝડપી પાડ્યું છે. અલગ અલગ રાજ્યોમાં ઓઇલની લાઈનમાં પંચર કરીને ઓઇલ ચોરી કરીને વેચવામાં આવતું હતું. પોલીસે ઓઇલની ચોરી કરનાર મુખ્ય સૂત્રધાર સંદીપ ગુપ્તા નામના આરોપીને બાંતમીના આધારે કોલકત્તાથી ઝડપી પાડ્યો છે.
જુદા જુદા રાજ્યમાંથી ઓઇલ ચોરી કરનાર ઝડપાયો
ભારત દેશના અલગ અલગ રાજ્યોમાં 22 થી વધુ ઓઈલની લાઈનમાં પંચર કરી અંદાજીત 400 કરોડથી વધુની ઓઈલ ચોરી કરનાર સંદીપ ગુપ્તા ઉર્ફે સેન્ડી ગુપ્તાને બાતમી આધારે સુરત ક્રાઈમ બ્રાંચ દ્વારા કલકતાથી ઝડપી પાડવામાં આવ્યો હતો .સુરત ક્રાઈમ બ્રાંચ દ્વારા આરોપી અગાઉ રાજસ્થાનમાં અલવાર, ચીતોગઢ, સિરોહી, ભરતપુર, આબુરોડ, બહરોડ, બ્યાવર, હરિયાણાના સોનીપત, રોહતાસ, ગોહના ત્રણ પંચર, ગજ્જર તથા ગુજરાતના મોરબી, ખેડા તથા પશ્ચીમ બંગાળના કોલકતા, વર્ધમાનનગર વગેરે ગુનાઓમાં પકડાયો છે.અને અંદાજીત 400 કરોડની ઓઈલ ચોરીમાં તે પકડાયો છે.
મોટી ગેંગ બનાવી ઓલ ચોરી કરાઈ રહી હતી
સુરત પોલીસ કમિશનરે જણાવ્યું હતું કે સંદીપ ગુપ્તા ઉર્ફે સેન્ડી વિજેન્દ્ર કુમાર ગુપ્તા ગુરુગ્રામ હરિયાણાનો રહેવાસી છે. વર્ષ 2006, 2007થી ઓઈલ ચોરીના ગુનામાં સામેલ થયેલ અને ભારતના અલગ અલગ રાજ્યોમાં માણસો દ્વારા ઓઈલ ચોરી કરાવવામાં માહેર છે. અને તેની ગેંગના સભ્યો 2006-07 થી 2021-22 સુધીમાં તેની ગેંગમાં અનેક સામેલ છે.
સુરતમાં અગાઉ ગુજસીટોકમાં ઝડપાયો હતો
સંદીપ ગુપ્તાની 2021માં ધરપકડ બાદ ગુજ્સીટોકનો ગુનો તેની ગેંગ વિરુદ્ધ દાખલ કરવામાં આવ્યો હતો. જેમાં તે રાજસ્થાન અને ગુજરાતના કેસમાં વચગાળાના જામીન લઇ છ માસથી ફરાર થઇ ગયો હતો. સંદીપ ગુપ્તા દક્ષિણ ગુજરાતમાંથી તેના સાગરીતો જીનેશ ગુજ્જર ઉર્ફે ફૌજી વિગેરેની મદદથી યુઝડ ઓઈલ ખરીદતો અને વેચતો ત્યારબાદ સમગ્ર સીન્ડીકેટ બની જતા પાઈપ લાઈનમાં ચોરી કરવાનું શરુ કર્યું હતું. ચોરી કરેલા ઓઈલ રોડ બનાવવામાં ઈટોના ભઠ્ઠામાં બોઈલરમાં તથા ઘણી ફેકટરીમાં વપરાય છે તેવી જગ્યાએ વેચાણ કરાવતો હતો.
ઓઇલ પાઇપલાઇનની નજીક બંધ ફેક્ટરી રખાતી હતી.
પોલીસે તેની મોડેસ ઓપરેન્ડી વિષે જણાવ્યું હતું કે તે ઓઈલ કંપનીની પાઈપ લાઈન જતી હોય ત્યાં 1થી 2 કી.મી.ના અંતરે બંધ ફેક્ટરી અથવા શેડ ભાડાથી રાખે છે અને નજીકથી પસાર થતી પાઈપ લાઈનમાં પંચર કરી 1થી 2 કિમી લંબાવી ભાડે લીધેલા ફેક્ટરી અથવા શેડ સુધી લાવી ત્યાં ટેન્કરના બદલે કન્ટેનરમાં ઓઈલ ભરીને લઇ જાય છે.
મોડી રાત્રે પાઇપલાઇન માંથી ટેન્કરમાં ઓઇલ ચોરી કરી ભરાતું હતું
કન્ટેનરમાં ઓઈલ ભરવામાં પોલીસ શક ન કરે તે માટે એક રાત્રીના સમય ટેન્કર ભરવામાં આવતા હતા. પોલીસે 3 થી 4 કન્ટેનર જેની એકની અંદાજીત કિંમત 40 થી 50 લાખ થાય તે અલગ અલગ પોલીસ મથકમાં કબજે કરવામાં આવ્યા છે. સંદીપ ગુપ્તા અને બીજા રાજસ્થાન, યુપી, ગુજરાત, ઝારખંડ, વેસ્ટ બંગાળના ઓઈલ માફિયાઓ સાથે નેટવર્ક બનાવી કરોડો રૂપિયા કમાઈ કરી છે. આ ઉપરાંત હાલમાં રાજ્સ્થાન, માઉન્ટ આબુ ખાતે તથા કલકત્તા વર્ધમાન નગર આસપાસ ઓઈલ ચોરી કરવાના પ્લાનમાં હતો.
