- Gujarati News
- Local
- Gujarat
- Anand
- Police Nabbed 26 While Enjoying Alcohol In Anklav Swapnabhoomi Farm House, The Owner Of The Farmhouse Is Still Absconding
આણંદ2 કલાક પહેલા
- કૉપી લિંક
આણંદ અને વડોદરા જિલ્લાની હદ ઉપર આવેલ આંકલાવમાં આવેલ ફાર્મ હાઉસમાં અવારનવાર દારૂની મહેફીલ માણતા નબીરાઓ ઝડપાય છે.દારૂની મહેફિલ માણવા આ જગ્યાઓ સૌથી વધુ ઉપયોગમાં લેવાતી સુરક્ષિત જગ્યા માનવામાં આવે છે.આંકલાવમાં વડોદરાના રહીશની માલિકીના ફાર્મ હાઉસ ઉપર ચાલતી દારૂની પાર્ટી ઉપર પોલીસ દરોડો કરતા જ ચકચાર મચી છે.આંકલાવ પોલીસે અહી દારૂની મહેફિલ માણતા 26 દારૂડિયાની અટકાયત કરી કાયદેસરની કાર્યવાહી હાથ ધરી છે.
પ્રાપ્ત માહિતી મુજબ આંકલાવના ભાણપુરા સ્થિત સ્વપ્નભુમી સાઈટ પર આવેલ વીરકૃપા ફાર્મ હાઉસમાંથી દારૂની પાર્ટી માણતા નબીરાઓને આંકલાવ પોલીસે દારૂની બોટલો સાથે નશાની હાલતમાં રંગેહાથ ઝડપી પાડ્યા છે. અહી ફાર્મ હાઉસમાં ખૂબ જ મોટે-મોટેથી ગીતો વાગતા હતા અને નબીરાઓ દારૂના નશામાં ચકનાચૂર થઈને નાચતા હતા. આ પાર્ટીનું આયોજન વડોદરાના મિત્રોએ ભેગા મળીને કર્યું હતું.નશાની હાલતમાં ઝડપાયેલા તમામમાં મોટા ભાગના વેપારીઓ તેમજ કોન્ટ્રકટર તેમજ નોકરિયાત મિત્રો હોવાનું બહાર આવ્યું હતું.
મહત્વનુ છે કે આણંદના આંકલાવ પોલીસે બાતમીને આધારે સ્વપ્નભૂમિ ફાર્મ હાઉસમાં ચાલી રહેલ દારૂની મહેફિલમાં પોલીસની દરોડો પાડતા જ નાસભાગ મચી હતી.આ દરોડા દરમ્યાન પોલીસે સતર્કતા દાખવી ફાર્મ હાઉસથી થોડે દૂર પોતાના વાહનો પાર્ક કર્યા હતા.આંકલાવ પોલીસ ફાર્મ હાઉસમાં પહોંચી ત્યારે જોર-જોરથી‘આંટી પોલીસ બુલાલે ગી,આંટી પોલીસ બુલાલે ગી,પાર્ટી ઓલ નાઈટ,ગીત વાગતું હતું.દારૂના નશામાં મગ્ન બની ગયેલ નબીરાઓએ અચાનક પોલીસને જોઈ તો તમામના હોંશ કોશ ઉડી ગયા હતા.આમતેમ સંતાવા અને પોલીસ પકડથી છટકી જવા નાસભાગ મચી જવા પામી હતી.જોકે પોલીસે તમામને કોર્ડન કરીને ત્યાં જ બેસાડી દીધા અને જોરશોર થી વાગતી મ્યૂઝીક સિસ્ટમ બંધ કરાવી પૂછપરછ હાથ ધરી હતી.
આંકલાવ પોલીસની પૂછપરછ દરમ્યાન તમામ મિત્રો ભેગા મળીને આ પાર્ટીનું આયોજન વડોદરાના મિત્ર પિન્ટુભાઈ ના ફાર્મ હાઉસમાં કર્યું હોવાનું જણાવ્યું હતું.વડોદરાથી દારૂની મહેફિલ માણવા આવેલ 26 નબીરાઓને આંકલાવ પોલીસે દબોચી લીધા છે.આંકલાવ પોલીસ અહીં સતર્ક છે અને બાતમીદારો કે ફરીયાદોને આધારે ઘણીવાર દરોડા કરી દારૂ જુગારની પાર્ટીઓને અંકુશમાં રાખવા પ્રયત્નો કરતી રહે છે.આમ છતાં આણંદ જિલ્લાનો આ વિસ્તાર ગેરકાયદેસર પ્રવુતિઓ માટે કુખ્યાત બની રહ્યો છે.આંકલાવ પોલીસે તમામની પ્રોહિબિશનની કલમ હેઠળ ધરપકડ કરી આગળની કાયદેસરની કાર્યવાહી હાથ ધરી છે.જોકે ફાર્મ હાઉસ માલિક વડોદરાનો પીન્ટુભાઈ ફરાર હોઈ તેને ઝડપી લેવા આંકલાવ પોલીસે તમામ પ્રયત્નો હાથ ધર્યા છે.
ફાર્મ હાઉસ પરથી 26 નબીરા ઝડપાયા
- હિતેશ સુરેશ જોશી માંજલપુર,વડોદરા
- પ્રેગ્નેશ અશોક દરજી,માંજલપુર,વડોદરા
- ઐલેસ મનુ પટેલ,અકોટા વડોદરા
- ભૂષણ બાલકૃષ્ણ જાધવ, પોલોગ્રાઉન્ડ વડોદરા
- કલ્પન જયંતકુમાર પટેલ,માંજલપુર, વડોદરા
- નારાયણ કનું સોલંકી,નવાપુરા,વડોદરા
- આશીસ આનંદરાવ બોડકર,વડોદરા
- દિપક મહેન્દ્ર ઠક્કર,વડોદરા
- મિતેષ દિનેશચંદ્ર શાહ,વડોદરા
- પ્રજ્ઞેશ પ્રવિણકુમાર હિંગુ,વડોદરા
- રાજેશ શશીકાંત પિસોડકર, વડોદરા
- મધુસુદન વિઠ્ઠલભાઈ ગાંધી,વડોદરા
- રવિકાન્ત શિવરામભાઈ કહાર,વડોદરા,પ્રવિણ દેવદાસ મોરે,વડોદરા
- કેતન કનૈયાલાલ ખારવા,વડોદરા
- મહેશ કનૈયાલાલ કહાર,વડોદરા
- રાજેશ મહેન્દ્ર શાહ,વડોદરા
- જયેશ બિપિનચંદ્ર ખત્રી, વડોદરા
- જીતેન્દ્ર રાજેન્દ્ર ખારવા, વડોદરા
- દીનકર બાલકૃષ્ણ ખત્રી,વડોદરા
- રાકેશ જગદીશચંદ્ર ચૌહાંન,વડોદરા
- કેતન હુકમચન્દ્ર શાહ,વડોદરા
- કલ્પેશ ગિરીશ શાહ,વડોદરા
- નયન મહેન્દ્ર રાજપૂત,વડોદરા
- નંદકુમાર સીતારામ પવાર,વડોદરા
- દર્શન જયદેવભાઈ રાવ,વડોદર
જ્યારે પિન્ટુભાઈ,વડોદરા(ફાર્મ હાઉસ માલિક વોન્ટેડ) પકડી પાડવાના ચક્રો ગતિમાન કર્યા છે.