ડેમાઈ ગામે મુખ્ય બજારમાં આવેલી કરીયાણાની દુકાનમાં તસ્કરો ત્રાટક્યા, શટરનું તાળું તોડી 50 હજારથી વધુ મુદ્દામાલની ચોરી | Smugglers raided a grocery shop in the main market of Demai village, broke the lock of the shutters and stole more than 50,000 items. | Times Of Ahmedabad

• Gujarati News
• Local
• Gujarat
• Aravalli
• Smugglers Raided A Grocery Shop In The Main Market Of Demai Village, Broke The Lock Of The Shutters And Stole More Than 50,000 Items.

અરવલ્લી (મોડાસા)32 મિનિટ પહેલા

• કૉપી લિંક

અરવલ્લી જિલ્લાના તમામ તાલુકાઓમાં છેલ્લા કેટલાક સમયથી તસ્કરોને ફાવટ આવી ગઈ છે. ત્યારે બાયડના ડેમાઈ ગામે મુખ્ય બજારમાં તસ્કરીની વધુ એક ઘટના સામે આવી છે. બાયડ તાલુકાના કપડવંજ રોડ પર આવેલી ડેમાઈ ગામે એક કરીયાણા પ્રોવિઝન સ્ટોર્સ આવેલી છે. આ સ્ટોર્સમાં ખાદ્ય ચીજોનો વેપાર થાય છે. ગત રાત્રીના રોજ દુકાન માલિક દુકાન બંધ કરી ઘરે ગયા બાદ મધ્યરાત્રી દરમિયાન તસ્કરોએ આ પ્રોવિઝન સ્ટોર્સના શટરનું તાળું તોડ્યું અને શટર ઊંચકાવી દુકાનમાં પ્રવેશ કર્યો હતો. દુકાનમાં રહેલ ખાદ્યચીજો અને દુકાનના ગલ્લામાં રાખેલા રોકડ સહિત 50 હજાર કરતા વધુના મુદ્દામાલની તસ્કરોએ ચોરી કરી હતી. સવારમાં જ્યારે દુકાનદાર આવ્યો ત્યારે દુકાનનું શટર ઉચકાયેલું જોયું ત્યારે ચોરી થઈ હોવાની ખબર પડી સમગ્ર ઘટના બાબતે ડેમાઈ બીટ જમાદારને જાણ કરી જેથી પોલીસે સમગ્ર વિગત લઈ કાયદેસરની કાર્યવાહી હાથ ધરી છે.

ભૂતકાળમાં પણ જિલ્લામાં બનતી આવતી તસ્કરીની ઘટના અંગે નોંધાયેલ ગુન્હાઓના ભેદ વણ ઉકેલાયા છે. ત્યારે વારંવાર જિલ્લામાં બનતી ચોરી, લૂંટ, ધાડ અને ઘરફોડ ચોરીની ઘટનાઓ પોલીસ માટે પણ પડકાર રૂપ છે. ત્યારે ડેમાઈ ગામે પોલીસનું નાઈટ પેટ્રોલીંગ યોજાય એવી ગ્રામજનોની માંગ છે.

અન્ય સમાચારો પણ છે…