વિસનગર14 મિનિટ પહેલા
- કૉપી લિંક
વિસનગરમાં એક્ટિવા લઈને કથા સાંભળવા નીકળેલી સાસુ વહુને પિકઅપ ડાલાએ ટક્કર મારતા નીચે પડી જવાથી ઇજાઓ પહોંચતા સારવાર અર્થે હોસ્પિટલમાં ખસેડવામાં આવી હતી. આ બનાવ અંગે વિસનગર શહેર પોલીસ મથકમાં પિકઅપ ડાલા ચાલક વિરુદ્ધ ફરિયાદ નોંધાવી હતી.
વિસનગરના ગાયત્રી રોયલ હોમ્સ સોસાયટીમાં રહેતા પુરીબેન ગત તારીખ 24/03/2023ના રોજ દીકરાની પત્ની ખુશ્બુ સાથે બલોલનગર પાસે કથા ચાલતી હોવાથી કથા સાંભળવા ઘરેથી એક્ટિવા લઈ નીકળ્યા હતા. જે એક્ટિવા ખુશ્બુ ચલાવતી હતી. જેમાં બલોલનગર નજીક પહોંચતા પાછળથી એક પિકઅપ ડાલાએ એક્ટિવાને ટક્કર મારતા બન્ને સાસુ વહુ નીચે પટકાયા હતા. જેમાં નીચે પડી જવાથી બન્નેને ઇજાઓ પહોંચતા સારવાર અર્થે નૂતન હોસ્પિટલ ત્યારબાદ મહેસાણા ખાનગી હોસ્પિટલમાં ખસેડવામાં આવ્યા હતા. આમ ટક્કર મારનાર પિકઅપ ડાલા ચાલક સામે પુરીબેને વિસનગર શહેર પોલીસ મથકમાં ફરિયાદ નોંધાવી હતી. પોલીસે ગુનો નોંધી વધુ તપાસ હાથ ધરી છે.
ધમકી આપનાર વિરૂદ્ધ ગુનો…
વિસનગરની આઇ.ટી.આઇ ચોકડી પાસે આવેલી ભવાની સોસાયટીમાં રહેતા પ્રભાત દેવીપુજક શનિવારના સાંજના સમયે શાકભાજીનું વેચાણ કરી શાકભાજીની લારી મિત્ર શુકન દેવીપુજક સાથે ચિરાગ હોટલ પાસેથી પસાર થતા હતા. ત્યારે લાલ દરવાજા ખાતે રહેતા કલાલ સોહિલ એ કહ્યું કે, તું કેમ મારી સામે જુએ છે તને બહુ ચરબી ચડી છે. સીધો રહેજે નહિતર જાનથી પતાવી દઈશ. તેવી ધમકીઓ આપી ત્યાંથી જતો રહ્યો હતો. આ અંગે પ્રભાતે ઘરે આવી પિતાને જાણ કરતા પિતાએ ફરિયાદ કરવાનું જણાવતા પ્રભાતે જાનથી મારી નાખવાની ધમકી આપનાર કલાલ સોહિલ વિરુદ્ધ વિસનગર શહેર પોલીસ મથકમાં ફરિયાદ નોંધાવી હતી. પોલીસે ગુનો નોંધી વધુ તપાસ હાથ ધરી છે.
