વલસાડ38 મિનિટ પહેલા
- કૉપી લિંક
વલસાડ રૂરલ પોલીસની ટીમે સરોધી હાઇવે ઉપરથી એક કારને અટકાવી ચેક કરતા કારમાંથી 148 બોટલ વિદેશી દારૂનો જથ્થો મળી આવ્યો હતો. દારૂના જથ્થા સાથે કાર ચાલકને ઝડપી પાડ્યો હતો. તે કેસમાં કાર માલિક તરીકે વાપીના ચિભડકચ્છ ખાતે રહેતા હોમગાર્ડ જવાન દિનેશભાઇ લક્ષ્મણભાઈ ગાંગોડેનું નામ ખુલ્યું હતું. જેથી રૂરલ પોલીસે દિનેશભાઈને જવાબ લખાવી જવા નોટિસ પાઠવવામાં આવી હતી. રૂરલ પોલીસ મથકે લખાવવા આવ્યો ન હતો. ત્યારે આજે વલસાડની સેશન્સ કોર્ટમાં પોલીસ ધરપકડથી બચવા માટે કાર માલિકે આગોતરા જામીન અરજી રજૂ કરી હતી. તે અરજી ઉપર DGP અનિલ ત્રિપાઠીની દલીલોને ગ્રાહ્ય રાખીને વલસાડની સેશન્સ કોર્ટના જજ પ્રકાશકુમાર એ પટેલે આરોપીના આગોતરા જામીન અરજી નામંજૂર કરતો હુકમ કર્યો હતો.
વલસાડ રૂરલ પોલીસની ટીમ 12 જાન્યુઆરી 2023ના રોજ પોલીસ મથક હદ વિસ્તરમાં પેટ્રોલિંગ કરી રહી હતી. જે દરમ્યાન રૂરલ પોલીસના જવાનોને મળેલી બાતમીના આધારે સેલવાસથી એક કાર ન. GJ-15-CA-8418નો ચાલક કારમાં વિપુલ પ્રમાણમાં વિદેશી દારૂનો જથ્થો લઈને પારડી થઈ વલસાડ તાલુકાના ડુંગરી તરફ જવાનો છે. જે બાતમીના આધારે વલસાડ રૂરલ પોલીસની ટીમે બાતમીવાળી કારને અટકાવી કારમાંથી 148 બોટલ વિદેશી દારૂનો જથ્થા સાથે કાર ચાલકને ઝડપી પાડ્યો હતો. તે કેસમાં રૂરલ પોલીસે ઓનલાઇન એપમાં ચેક કરતા કાર માલિક તરીકે વાપીના ચિભડકચ્છ ખાતે રહેતા હોમગાર્ડ જવાન દિનેશભાઇ લક્ષ્મણભાઈ ગાંગોડેનું ખુલ્યું હતું. જેથી રૂરલ પોલીસે દીનેશભાઈને રૂરલ પોલીસ મથકે આવીને આ કેસ બાબતે જવાબ લખાવી જાવા નોટિસ પાઠવી હતી. તેમ છતાં દિનેશ જવાબ લખાવવા આવ્યો ન હતો. તે કેસમાં પોલીસ ધરપકડથી બચવા કાર માલિક દિનેશભાઇ લક્ષ્મણભાઈ ગાંગોડે વલસાડ સેશન્સ કોર્ટમાં જામીન અરજી રજૂ કરી હતી. તે અરજી ઉપર DGP અનિલ ત્રિપાઠીની દલીલોને ગ્રાહ્ય રાખીને વલસાડની સેશન્સ કોર્ટના જજ પ્રકાશકુમાર એ પટેલે દારૂના કેસમાં કાર માલિક અને હોમગાર્ડ જવાન દિનેશભાઇ લક્ષ્મણભાઈ ગાંગોડના આગોતરા જામીન અરજી ફગાવી દેતો હુકમ કર્યો હતો.
