સાંગલી11 દિવસ પહેલા
- લિંક કૉપિ કરો
બાઇક પર સવાર ત્રણેય યુવકો ઊંચાઇ પરથી પટકાવાને કારણે ગંભીર રીતે ઘાયલ થયા હતા અને હોસ્પિટલ પહોંચે તે પહેલા ત્રણેયના મોત નીપજ્યા હતા.
મહારાષ્ટ્રના સાંગલીમાં આજે બે ભયાનક માર્ગ અકસ્માતમાં આઠ લોકોના મોત થયા છે. પ્રથમ અકસ્માત સાંગલી જિલ્લાના જાટ તાલુકાના કોસારી ગામમાં થયો હતો. અહીં 4 યુવકો બાઇક પર સવાર થઈને પોતાના ગામ જઈ રહ્યા હતા અને બાઇક બેકાબૂ થઈને ખાડામાં પડી ગઈ. આ અકસ્માતમાં ત્રણ યુવકોના ઘટનાસ્થળે જ મોત થયા છે અને ચોથો ICUમાં દાખલ છે.
બાઇક પર સવાર ત્રણ મિત્રોના મોત
અકસ્માતનો ભોગ બનેલા ચારેય યુવકો મિત્રો છે અને એકબીજાના પાડોશમાં રહેતા હતા. સોમવારે વહેલી સવારે એક સાથે બનેલા ત્રણ મિત્રોના મોત બાદ સમગ્ર ગામમાં શોકનો માહોલ છે. આ ચારેય મિત્રો એક જ બાઇક પર સવાર હતા. આ અકસ્માત ત્યારે થયો જ્યારે બાઇક રોડ પરથી ઉતરી ગઈ અને બિરનલ નાળા પાસે ખાડામાં પડી. આ અકસ્માતમાં અજીત ભોસલે (22)નું ઘટનાસ્થળે જ મોત નીપજ્યું હતું અને મોહિત તોરવે (21) અને રાજેન્દ્ર ભાલે (22)નું હોસ્પિટલ લઈ જતાં રસ્તામાં જ મોત થયું હતું. ચોથો મિત્ર સંગ્રામ તોરવે (16 વર્ષ) ગંભીર રીતે ઘાયલ છે અને તેને સારવાર માટે જાટ ગ્રામીણ હોસ્પિટલમાં દાખલ કરવામાં આવ્યો છે.
કારને ખરાબ રીતે નુકસાન થયું હતું અને તેમાં સવાર તમામ લોકોના ઘટનાસ્થળે જ મોત થયા હતા.
એક જ પરિવારના પાંચ લોકોના મોત થયા છે
બીજો અકસ્માત પણ રવિવારે મોડી રાત્રે સાંગલી જિલ્લામાં પુણે-બેંગલુરુ હાઈવે પર થયો હતો. અહીં એક કાર અને કન્ટેનર ટ્રક વચ્ચે સામસામે અથડામણમાં એક જ પરિવારના ત્રણ બાળકો સહિત પાંચ લોકોના મોત થયા હતા. પોલીસના જણાવ્યા અનુસાર, કાર પુણેથી કોલ્હાપુરના જયસિંહપુર જઈ રહી હતી સાંગલીના કાસેગાંવ વિસ્તારમાં યેવલવાડી ફોર્ક પાસે. કાર બેકાબૂ બનીને સામેથી આવતા કન્ટેનર સાથે અથડાઈ હતી અને ખરાબ રીતે નુકસાન થયું હતું. અકસ્માત એટલો ભયાનક હતો કે કારમાં ફસાયેલા મૃતદેહોને બહાર કાઢવા માટે કટર મશીન બોલાવવી પડી હતી.
પાંચેય લોકોના ઘટનાસ્થળે જ મોત થયા હતા. મૃતકોની ઓળખ અરિંજય શિરોટે (35), સ્મિતા શિરોટે (38), પૂર્વા શિરોટે (14), સુનેશા શિરોટે (10) અને વીરુ શિરોટે (4) તરીકે થઈ છે. પોલીસે જણાવ્યું હતું કે અરિંજય શિરોટે જયસિંહપુરમાં તેમના સંબંધીઓને મળવા જઈ રહ્યા હતા ત્યારે આ અકસ્માત થયો હતો.
