ભાવનગર24 મિનિટ પહેલા
- કૉપી લિંક
પ્રતીકાત્મક તસ્વીર
- ભાવનગરમાં 12થી 14 વર્ષના બાળકોમાં 50 ટકાને બીજો ડોઝ લેવાનો બાકી
- શહેરમાં કોરોનાના પ્રથમ ડોઝ લેનારાની સંખ્યા 5,59,086 સામે પ્રિકોશન ડોઝ માત્ર 50,582એ જ લીધો
ભાવનગર શહેરમાં જુલાઇ માસમાં 23 દિવસમાં કુલ 474 કેસ કોરોના પોઝિટિવના મળ્યા તેની સામે કોરોનાનો તૃતિય ડોઝ એટલે કે બૂસ્ટર (પ્રિકોશન) ડોઝ માત્ર 9 ટકા નગરજનોએ જ લીધો છે. 91 ટકા જેટલા લોકો બૂસ્ટર ડોઝ લેવામાં બાકી છે. હાલ કોરોનાના કેસ નો નોંધપાત્ર પ્રમાણમાં મળે છે પણ રસીકરણમાં નિરસતા જોવા મળે છે. વળી સાથે કેટલાક કેન્દ્રો ખાતે રસી ન હોવાના પ્રશ્નો પણ હોય છે. ભાવનગર શહેરમાં કોરોના રસીકરણનો પ્રથમ ડોઝ કુલ 559086 લોકોએ લીધો છે. તેની સામે કોરોનાનો બૂસ્ટર ડોઝ માત્ર 501,582 લોકોએ જ લીધો છે. હવે તો 18 વર્ષથી વધુ વયનાને વિનામૂલ્યે બૂસ્ટર ડોઝ આપવાનો આરંભ થઇ ગયો છે. પણ રસીકરણમાં સંખ્યા વધતી નથી.
ભાવનગર શહેરમાં કોરોનાનો પ્રિકોશન ડોઝ લીધો હોય તેની સંખ્યા જોઇએ તો 45થી 59 વર્ષમાં 4550, 60થી વધુ વર્ષના લોકોએ 23,258 તેમજ થોડા દિવસો પૂર્વે શરૂ થયેલા 18થી 44 વર્ષના વયજૂથના લોકોમાં શહેરમાં હજી 3906 યુવાનોએ ત્રીજો ડોઝ એટલે પ્રિકોશન ડોઝ લીધો છે. હવે આ સામે શહેરમાં કોરોના રસીનો પ્રથમ ડોઝ 5,59,086 લોકોએ લીધો છે. તેની સામે 50,582 લોકોએ પ્રિકોશન ડોઝ લેતા પ્રથમ ડોઝની તુલનામાં હજી 91 ટકા લોકો બૂસ્ટર ડોઝ લેવામાં બાકી છે.
એક અન્ય હકીકત એ છે કે 12થી 14 વર્ષમાં શહેરમાં કુલ લક્ષ્યાંક 23,122 બાળકોનો છે અને તેની સામે કોરોના રસીકરણનો બીજો ડોઝ 11,606 બાળકોએ જ લીધો હોય તેમાં ટકાવારી 50.19 ટકા બાળકોએ રસીનો બીજો ડોઝ લીધો છે અને 50 ટકા જેટલાને જ હજી રસીકરણ બાકી છે. ત્યારે હવે કોરોનાના જે નવા કેસ મળે છે તેમાં 12થી 14 વર્ષના બાળકો હોય છે અને શાળાઓ શરૂ થઇ ગઇ છે ત્યારે તેમાં ગતિ વધે તે માટે આરોગ્ય તંત્ર અને શાળાઓએ સહિયારો પ્રયાસ કરવો આવશ્યક છે. 12થી 14 વર્ષમાં 19,582 બાળકોએ પ્રથમ ડોઝ લઇ લીધો છે.
18થી44 વર્ષમાં રસીકરણ
288526 છે
પ્રથમ ડોઝ
276083 છે
બીજો ડોઝ
3906
પ્રિકોશન ડોઝ
45થી59 વર્ષમાં રસીકરણ
103046
પ્રથમ ડોઝ
101478
બીજો ડોઝ
4550
પ્રિકોશન ડોઝ
60થી વધુ વર્ષમાં રસીકરણ
63461 છે
પ્રથમ ડોઝ
62754 છે
બીજો ડોઝ
23258 છે
પ્રિકોશન ડોઝ