ઉપરાષ્ટ્રપતિ વેંકૈયા નાયડુને આજે સંસદમાં આપવામાં આવશે વિદાય

• રાજ્યસભાના અધ્યક્ષ અને ઉપરાષ્ટ્રપતિ વેંકૈયા નાયડુનો કાર્યકાળ સમાપ્ત થશે
  
• પીએમ મોદી સ્મૃતિચિહ્ન અર્પણ કરીને વિદાય લેશે
  
• 11મી ઓગસ્ટે રક્ષાબંધનના તહેવારને કારણે ગૃહની બેઠક નહીં થાય
  

રાજ્યસભાના અધ્યક્ષ અને ઉપરાષ્ટ્રપતિ વેંકૈયા નાયડુનો (Venkaiah Naidu) કાર્યકાળ 10 ઓગસ્ટે સમાપ્ત થઈ રહ્યો છે. તેમને આજે સંસદમાં વિદાય આપવામાં આવશે, જેની શરૂઆત વડાપ્રધાન નરેન્દ્ર મોદીના (Narendra Modi) ભાષણથી થશે. હવે તેમના સ્થાને જગદીપ ધનખડ (Jagdeep Dhankhar) દેશના નવા ઉપરાષ્ટ્રપતિ બનશે. વેંકૈયાના વિદાય સમારંભમાં (Farewell) પીએમ મોદી સિવાય વિપક્ષી પાર્ટીઓના તમામ નેતાઓ હાજર રહેશે.

મળતી માહિતી મુજબ આ દરમિયાન વડાપ્રધાન નરેન્દ્ર મોદી તેમને સ્મૃતિ ચિહ્ન અર્પણ કરશે. વર્તમાન ઉપરાષ્ટ્રપતિ વેંકૈયા નાયડુ બુધવારે એટલે કે 10 ઓગસ્ટે તેમનું પદ છોડશે અને તેમના અનુગામી જગદીપ ધનખડ ગુરુવાર, 11 ઓગસ્ટના રોજ ઉપરાષ્ટ્રપતિ તરીકે શપથ લઈને કાર્યભાર સંભાળશે.

પીએમ મોદી સ્મૃતિચિહ્ન અર્પણ કરીને વિદાય લેશે

મળતી માહિતી મુજબ 9મી ઓગસ્ટે મોહરમ અને 11મી ઓગસ્ટે રક્ષાબંધનના તહેવારને કારણે ગૃહની બેઠક નહીં થાય. ગૃહના તમામ સભ્યો વતી, સોમવારે એટલે કે આજે સાંજે જીએમસી બાલયોગી ઓડિટોરિયમમાં નાયડુ માટે વિદાય સમારંભનું આયોજન કરવામાં આવશે. સૂત્રોના જણાવ્યા અનુસાર વડાપ્રધાન નરેન્દ્ર મોદી ઉપરાષ્ટ્રપતિ વેંકૈયા નાયડુને સ્મૃતિ ચિહ્ન અર્પણ કરશે. આ સાથે રાત્રિભોજનનું પણ આયોજન કરવામાં આવશે.

જગદીપ ધનખડ 11 ઓગસ્ટે ઉપરાષ્ટ્રપતિ તરીકે શપથ લેશે

દેશના 14મા ઉપરાષ્ટ્રપતિ તરીકે ચૂંટાયેલા જાહેર થયા બાદ જગદીપ ધનખડ (Jagdeep Dhankhar) રવિવારે રાત્રે વેંકૈયા નાયડુ સાથે મુલાકાત કરી હતી. આ દરમિયાન વેંકૈયા નાયડુ (Venkaiah Naidu) અને તેમની પત્ની ઉષા નાયડુ (Usha Naidu) દ્વારા ધનખડ અને તેમની પત્ની સુદેશનું સ્વાગત કરવામાં આવ્યું હતું. એવું કહેવાય છે કે આ બેઠક લગભગ અડધા કલાક સુધી ચાલી હતી અને બાદમાં નાયડુએ ધનખડને નિવાસસ્થાન અને સચિવાલયની મુલાકાત કરાવી હતી.