ધનશ્રી વર્માએ ફરી 'ચહલ' સરનેમ લગાવી, યુઝવેન્દ્રએ પત્ની પર વરસાવ્યો પ્રેમ

[og_img]

• ધનશ્રી ‘ચહલ’ સરનેમ હટાવતા કપલના સંબંધમાં તિરાડની અફવા ફેલાઈ
  
• ધનશ્રીએ એક પોસ્ટ શેર કરી જેમાં મેસેજના અંતમાં ‘DVC’ લખ્યું
  
• ચહલે પત્ની ધનશ્રીની પોસ્ટ પર ‘હાર્ટ’ ઇમોજી મોકલ્યું
  

ભારતીય ટીમના સ્ટાર લેગ સ્પિનર ​​યુઝવેન્દ્ર ચહલ અને તેની પત્ની ધનશ્રી વર્મા છેલ્લા કેટલાક દિવસોથી સતત ટ્રેન્ડમાં છે. પહેલા ધનશ્રીએ તેના ઈન્સ્ટાગ્રામ એકાઉન્ટ પર લખેલા નામમાંથી ‘ચહલ સરનેમ’ કાઢી નાખી. આ પછી એક ઈમોશનલ પોસ્ટ પણ શેર કરવામાં આવી હતી.

ઈન્સ્ટાગ્રામ પર બંનેએ સ્ટોરી શેર કરી

ધનશ્રીએ એક પોસ્ટ પણ શેર કરી હતી, જેમાં લખ્યું હતું કે એક રાજકુમારી તેના રેકોર્ડને મજબૂત બનાવશે. આ પોસ્ટ ચહલને પણ પસંદ આવી હતી. ત્યારબાદ ચહલે તેના ઈન્સ્ટાગ્રામ પર એક સ્ટોરી પણ શેર કરી, જેમાં લખ્યું હતું કે, ‘ન્યૂ લાઈફ લોડિંગ.’

ધનશ્રીએ પાછું ‘ચહલ’ સરનેમ લખી દીધું

ચહલની પોસ્ટ અને ધનશ્રીની અટક હટાવ્યા બાદ એવી અટકળો વહેતી થઈ હતી કે કપલ વચ્ચે કંઈક સારું નથી ચાલી રહ્યું. પરંતુ બાદમાં ચહલ અને ધનશ્રીએ ઇન્સ્ટાગ્રામ પોસ્ટ દ્વારા જણાવવાનો પ્રયાસ કર્યો કે બંને વચ્ચે બધુ બરાબર છે. હવે ધનશ્રીએ પાછું ‘ચહલ સરનેમ’ લખી દીધું છે. તેણે પોતાની ઈન્સ્ટાગ્રામ સ્ટોરી પર લખેલા લાંબા મેસેજના અંતમાં DVC લખ્યું છે. તેનો અર્થ ‘ધનશ્રી વર્મા ચહલ’ થાય છે. આ પોસ્ટને લાઈક કરવાની સાથે ચહલે કોમેન્ટમાં લખ્યું- ‘My woman’ (મારી પત્ની).

અફવાઓ પર પૂર્ણવિરામ

ચહલે પત્ની ધનશ્રીની પોસ્ટ પર ટિપ્પણી સાથે ‘હાર્ટ’ ઇમોજી પણ બનાવ્યું હતું. આ સિવાય ચહલે પણ આ જ ફોટો પોતાની ઈન્સ્ટા સ્ટોરી પર શેર કર્યો હતો. તેમાં પણ ચહલે હાર્ટ ઈમોજી બનાવ્યું હતું. આ તમામ પોસ્ટથી પતિ-પત્ની બંને વચ્ચે ફેલાયેલી અફવાઓ પર પૂર્ણવિરામ લાગી ગયું છે.

ધનશ્રીએ કરી પોસ્ટ

ધનશ્રીએ પોતાની પોસ્ટ દ્વારા જણાવ્યું કે ડોક્ટરોએ તેને સર્જરીની સલાહ આપી છે. તે પછી જ તે ફરીથી ડાન્સ કરી શકશે. આ સમય દરમિયાન તે અસ્વસ્થ હતી અને તેને સપોર્ટની જરૂર હતી. પરંતુ લોકોએ અફવાઓ ફેલાવવાનું શરૂ કર્યું. આ બધું સાંભળવું મારા માટે ખૂબ જ પીડાદાયક અને દુઃખદાયક હતું.

ધનશ્રી સોશિયલ મીડિયા સેન્સેશન

યુઝવેન્દ્ર ચહલે ક્રિકેટમાં પોતાનો દબદબો સ્થાપિત કર્યો છે. સાથે જ તેની પત્ની ધનશ્રી કોરિયોગ્રાફર છે અને ડાન્સ ક્લાસ ચલાવે છે. ધનશ્રી ડેન્ટિસ્ટ પણ છે. તે સોશિયલ મીડિયા સેન્સેશન છે. તેની પોસ્ટ સતત વાયરલ થતી રહે છે.

યુઝવેન્દ્ર-ધનશ્રીની લવસ્ટોરી

ધનશ્રીએ એક ઈન્ટરવ્યુમાં જણાવ્યું હતું કે યુઝવેન્દ્ર ચહલ લોકડાઉન દરમિયાન તેના ઓનલાઈન ક્લાસમાં જોડાયો હતો. આ દરમિયાન બંને વચ્ચે નિકટતા વધી અને તેઓ રીલેશનશીપમાં આવી ગયા. ચહલ-ધનશ્રીએ ઓગસ્ટ 2020માં સગાઈ કરી અને ડિસેમ્બર 2020માં લગ્ન કર્યા.