India A vs New Zealand A: કુલદીપ યાદવે ન્યુઝીલેન્ડ A સામેની બીજી વનડેમાં શાનદાર પ્રદર્શન કર્યું હતું. 47મી ઓવરમાં તેની બોલિંગ જોઈને કિવી બેટ્સમેનો ધ્રૂજવા લાગ્યા હતા.
Kuldeep Yadav took a hattrick against New Zealand A
કુલદીપ યાદવે (Kuldeep Yadav) રવિવારે ન્યુઝીલેન્ડ A સામે કમાલ કર્યો હતો. તેણે હેટ્રિક લીધી હતી. ચેન્નાઈમાં ન્યુઝીલેન્ડ A વિરૂદ્ધ રમાઈ રહેલી બીજી બિનસત્તાવાર ODI મેચમાં કીવી ટીમ કુલદીપના જોર સામે ફ્લોપ થઇ ગઇ હતી અને આખી ટીમ 47 ઓવરમાં 219 રનમાં ઓલઆઉટ થઈ ગઈ હતી. કુલદીપનો સામનો માત્ર 2 કિવી બેટ્સમેન જ કરી શક્યા. આ મેચમાં ભારતીય બોલરે શાનદાર પ્રદર્શન કરી 51 રનમાં કુલ 4 વિકેટ ઝડપી હતી.
47 મી ઓવરમાં કુલદીપનો તરખાટ
કુલદીપના તોફાન સામે ન્યુઝીલેન્ડની ટીમ પૂરી 50 ઓવર પણ રમી શકી ન હતી. તેણે 45 મી ઓવરના 5 માં બોલ પર સીન સોલિયાને 28 રન પર મોકલીને પોતાનું ખાતું ખોલાવ્યું હતું. ખાતું ખોલ્યા બાદ કેપ્ટન સંજુ સેમસને તેને ડેથ ઓવરમાં બોલિંગ કરવાની જવાબદારી સોંપી હતી. 47મી ઓવરમાં કુલદીપ ફરીથી બોલિંગ કરવા આવ્યો અને પછી તેણે એવી બોલિંગ કરી કે કિવી બેટ્સમેનો પણ ધ્રૂજવા લાગ્યા.
Hat-trick for Kuldeep Yadav vs New Zealand A. Crowds roaring for #kuldeepyadav #SanjuSamson pic.twitter.com/zSE6zWTB40
— rajasthan royals (@Technic08559461) September 25, 2022
આખા સ્ટેડિયમે ઉભા થઈને કુલદીપનો ઉત્સાહ વધાર્યો હતો. કુલદીપે ઓવરના ચોથા બોલ પર લોગાન વાન બીકને 4 રન પર પેવેલિયન મોકલ્યો હતો. આગલા બોલ પર જો વોકરને અને પછી ઓવરના છેલ્લા બોલ પર જેકબ ડફીને આઉટ કરીને ન્યૂઝીલેન્ડની ટીમને સમેટી લીધી હતો. વોકર અને ડફી પોતાનું ખાતું પણ ખોલાવી શક્યા ન હતા. ન્યુઝીલેન્ડ માટે સર્વાધિક 72 રન, જો કાર્ટરે બનાવ્યા હતા.
HAT-TRICK! Kuldeep Singh Yadav (10.0-51-4) New Zealand A 219/10 #IndAvNzA #IndiaASeries
— BCCI Domestic (@BCCIdomestic) September 25, 2022
ન્યૂઝીલેન્ડના બેટ્સમેનોની થઇ હાલત ખરાબ
કુલદીપ ઉપરાંત રાહુલ ચહર અને ઋષિ ધવનને 2-2 સફળતા મળી હતી. બીજી તરફ ઉમરાન મલિક અને રાજ બાવાને એક-એક સફળતા મળી હતી. ન્યુઝીલેન્ડની બેટિંગની વાત કરીએ તો 5 બેટ્સમેનનો સ્કોર બે આંકડા સુધી પણ પહોંચી શક્યો નથી. તે જ સમયે, 4 બેટ્સમેન 30 રનથી ઉપર વધી શક્યા ન હતા.
રચિન રવીન્દ્ર અને જો કાર્ટર ન્યૂઝીલેન્ડને 200 રનથી આગળ લઈ ગયા હતા. રવિન્દ્રએ 65 બોલમાં 61 રન બનાવ્યા હતા, જેમાં 9 ચોગ્ગા સામેલ હતા. તો બીજી બાજુ, કાર્ટરે 80 બોલમાં 1 ફોર અને 3 સિક્સરની મદદથી 72 રનની ઇનિંગ રમી હતી. કુલદીપની વાત કરીએ તો તે ગયા મહિને ઝિમ્બાબ્વે સામેની વનડે શ્રેણી અને વેસ્ટ ઈન્ડિઝ સામેની ટી-20માં જોવા મળ્યો હતો.
