India vs South Africa 1st T20 Match Report Today: ભારતીય ટીમે વિજયી શરુઆત કરતા દક્ષિણ આફ્રિકા સામેની ટી20 શ્રેણીમાં 1-0 ની સરસાઈ મેળવી છે.
KL Rahul અને Suryakumar એ ભારત માટે જીતની ભાગીદારી નોંધાવી
TV9 GUJARATI | Edited By: Avnish Goswami
Sep 28, 2022 | 10:17 PM
ભારત અને દક્ષિણ આફ્રિકા (India vs South Africa) વચ્ચે ત્રણ મેચોની ટી20 સિરીઝ રમાઈ રહી છે. પ્રથમ ટી20 મેચને ભારતે જીતી લીધી છે. આ સાથે જ ભારતે સિરીઝમાં 1-0 થી સરસાઈ મેળવી છે. ભારતીય ટીમે આ પહેલા ઓસ્ટ્રેલિયાને ઘર આંગણે હરાવ્યુ હતુ. ત્યાર બાદ હવે દક્ષિણ આફ્રિકા સામેની પ્રથમ મેચ પણ ભારતે રન ચેઝ કરીને પોતાના નામે કરી લીધી છે. સૂર્યકુમાર યાદવ (Suryakumar Yadav) અને ટીમના વાઈસ કેપ્ટન કેએલ રાહુલે (KL Rahul) શાનદાર વિજયી ભાગીદારી રમત નોંધાવી હતી. બંનેએ અડધી સદી નોંધાવી હતી. અંતમાં કેએેલ રાહુલે વિજયી છગ્ગો લગાવી ભારતને 8 વિકેટે જીત અપાવી હતી.
આ પહેલા ભારતીય યુવા બોલર અર્શદીપ સિંહ અને દીપક ચાહરે દક્ષિણ આફ્રિકાની બેટીંગ લાઈનને શરુઆતમાં જ તોડી નાંખી હતી. 15 બોલમાં જ 5 વિકેટ ભારતીય બોલરોએ ઝડપીને અડધી ટીમને પેવેલિયન પરત મોકલી દીધી હતી. પરંતુ બાદમાં એઇડમન માર્કરમ અને ત્યારપછી કેશવ મહારાજની રમતે દક્ષિણ આફ્રિકાનો સ્કોર 100 રનને પાર પહોંચાડ્યો હતો.