[og_img]
- ઓસ્ટ્રેલિયામાં સાથી ખેલાડીઓ સાથે કેક કાપી કરી ઉજવણી
- હાર્દિકે પુત્રનો વીડિયો ઈન્સ્ટાગ્રામ પર શેર કર્યો
- વીડિયોમાં અગસ્ત્ય હાર્દિકને ગિફ્ટ આપી રહ્યો છે
ટીમ ઈન્ડિયાનો સ્ટાર ઓલરાઉન્ડર હાર્દિક પંડ્યા આજે (11 ઓક્ટોબર) પોતાનો 29મો જન્મદિવસ ઉજવી રહ્યો છે. આ અવસર પર તેઓ પોતાના પરિવારને ખાસ કરીને પુત્ર અગસ્ત્યને યાદ કરી રહ્યા છે. હાર્દિક પંડ્યાએ તેના પુત્રનો એક વીડિયો ઈન્સ્ટાગ્રામ પર શેર કર્યો છે, જેમાં અગસ્ત્ય તેને ગિફ્ટ આપતો જોવા મળી રહ્યો છે. હાર્દિકે તેને શ્રેષ્ઠ ભેટ ગણાવી હતી.
હાર્દિકનો 29મો જન્મદિવસ
ભારતીય ટીમનો સ્ટાર ઓલરાઉન્ડર હાર્દિક પંડ્યા આજે (11 ઓક્ટોબર) 29 વર્ષનો થઈ ગયો છે. હાર્દિકના આ જન્મદિવસને તેના પુત્ર અગસ્ત્યએ વધુ ખાસ બનાવ્યો છે. બે વર્ષના અગસ્ત્યએ તેના પિતાને એક એવી ભેટ આપી છે, જેને હાર્દિક ક્યારેય નહીં ભૂલી શકે. તેણે પોતે આ વાત કહી છે.
હાર્દિક T20 વર્લ્ડકપ માટે ઓસ્ટ્રેલિયામાં
વાસ્તવમાં, હાર્દિક પંડ્યા આ દિવસોમાં મિશન T20 વર્લ્ડકપ માટે ઓસ્ટ્રેલિયામાં છે. તેનો પરિવાર સાથે નથી. આ જ કારણ છે કે હાર્દિક તેની પત્ની અને પુત્રને યાદ કરી રહ્યો છે. આ પહેલા હાર્દિકે તેની પત્ની માટે એક પોસ્ટ શેર કરી હતી. હવે પુત્ર માટે એક વીડિયો શેર કર્યો છે.
હાર્દિકે અગસ્ત્યનો વીડિયો શેર કર્યો
હાર્દિકે એક વીડિયો શેર કર્યો છે, જેમાં અગસ્ત્ય તેને બેટ આપતો જોવા મળી રહ્યો છે. આ વીડિયોને શેર કરતા હાર્દિકે કેપ્શનમાં લખ્યું કે, ‘મારા જન્મદિવસ પર, હું મારા પુત્રને થોડો વધારે મિસ કરી રહ્યો છું. મને અત્યાર સુધી મળેલી આ શ્રેષ્ઠ ભેટ છે. હાર્દિકની પત્ની નતાશાએ પણ આ પોસ્ટ પર કોમેન્ટ કરીને હાર્ટ ઈમોજી બનાવી છે.
હાર્દિક પંડ્યાની આંતરરાષ્ટ્રીય ક્રિકેટ કારકિર્દી
11 ટેસ્ટ – 532 રન – 17 વિકેટ
66 ODI – 1386 રન – 63 વિકેટ
73 T20 – 989 રન – 54 વિકેટ
એક દિવસ પહેલા પત્ની માટે એક પોસ્ટ શેર કરી
એક દિવસ પહેલા એટલે કે 10 ઓક્ટોબરે હાર્દિકે પત્ની નતાશા માટે એક પોસ્ટ શેર કરી હતી. ઓસ્ટ્રેલિયા પહોંચેલા હાર્દિકને તેની પત્ની નતાશા સ્ટેનકોવિક યાદ આવવા લાગી. હાર્દિકે ઈન્સ્ટાગ્રામ સ્ટોરી પર પત્ની સાથેનો ફોટો શેર કરતા આ વાત કહી છે. પત્ની સાથેનો ફોટો શેર કરતા હાર્દિકે કેપ્શનમાં લખ્યું, ‘મિસ યુ’. પંડ્યાએ આ કેપ્શન સાથે હાર્ટ ઈમોજી પણ બનાવી.
અભિનેત્રી નતાશા સાથે બે વર્ષ પહેલા લગ્ન થયા
હાર્દિક પંડ્યાએ 2020માં સર્બિયન મોડલ અને બોલિવૂડ અભિનેત્રી નતાશા સ્ટેનકોવિક સાથે સગાઈ કરી હતી. તેણે 1 જાન્યુઆરીએ જ આની જાહેરાત કરી હતી. થોડા મહિના પછી બંનેએ લગ્ન કરી લીધા. તે જ વર્ષે પુત્રના રૂપમાં તેમના ઘરે ખુશી પણ આવી. અગસ્ત્યનો જન્મ 30 જુલાઈએ થયો હતો.
વર્લ્ડકપમાં ભારતની પહેલી મેચ પાકિસ્તાન સામે
ભારતીય ટીમ T20 વર્લ્ડકપમાં પોતાની પ્રથમ મેચ 23 ઓક્ટોબરે રમવાની છે. આ મેચ દિવાળીના એક દિવસ પહેલા પાકિસ્તાન સામે રમાવાની છે. આ પહેલા ટીમ ઈન્ડિયાને 4 વોર્મ-અપ મેચ પણ રમવાની છે જેમાંથી એક થઈ ચૂકી છે. ભારતીય ટીમને ગ્રુપ 2માં રાખવામાં આવી છે. આમાં ભારત, પાકિસ્તાન ઉપરાંત દક્ષિણ આફ્રિકા અને બાંગ્લાદેશ છે.