[og_img]
- ભારતીય ટીમ એશિયા કપ માટે પાકિસ્તાનનો પ્રવાસ નહીં કરે
- આવી સ્થિતિમાં ટુર્નામેન્ટનું આયોજન તટસ્થ દેશમાં કરવું પડશે
- BCCIની એડીશનલ જનરલ મિટિંગમાં નિર્ણય લેવામાં આવ્યો
BCCI સેક્રેટરી જય શાહે સ્પષ્ટ કર્યું છે કે ભારતીય ક્રિકેટ ટીમ એશિયા કપ માટે પાકિસ્તાનનો પ્રવાસ નહીં કરે. આવી સ્થિતિમાં આ ટુર્નામેન્ટનું આયોજન તટસ્થ દેશમાં કરવું પડશે. મંગળવારે BCCIની સૌથી મોટી બેઠક AGM યોજાઈ હતી, જેમાં આ નિર્ણય લેવામાં આવ્યો હતો.
BCCI સેક્રેટરી જય શાહે સ્પષ્ટ કર્યું
ભારતીય ક્રિકેટ કંટ્રોલ બોર્ડ (BCCI)માં ચાલી રહેલા આંતરિક ફેરફારો વચ્ચે ભારતીય ટીમ સાથે જોડાયેલી એક મહત્વની વાત સામે આવી છે. BCCI સેક્રેટરી જય શાહે સ્પષ્ટ કર્યું છે કે ભારત 2023માં એશિયા કપ માટે પાકિસ્તાનનો પ્રવાસ નહીં કરે. અગાઉ એવી અટકળો હતી કે ટીમ ઈન્ડિયા આ શ્રેણી માટે પાકિસ્તાન જઈ શકે છે.
એશિયા કપ માટે ટીમ ઇન્ડિયા પાકિસ્તાન નહીં જાય
મંગળવારે BCCIની AGMમાં ઘણા મહત્વપૂર્ણ મુદ્દાઓ પર ચર્ચા કરવામાં આવી હતી. આમાંથી એક મુદ્દો એશિયા કપ 2023નો હતો. જય શાહ BCCIના સચિવ તેમજ એશિયન ક્રિકેટ કાઉન્સિલના પ્રમુખ છે. તેણે નિવેદન આપ્યું છે કે અમે નક્કી કર્યું છે કે અમે એશિયા કપ માટે પાકિસ્તાન નહીં જઈએ, એશિયા કપ માટે કોઈ તટસ્થ સ્થળ નથી.
એશિયા કપ 2022 UAEમાં યોજાયો
તમને જણાવી દઈએ કે આ વર્ષનો એશિયા કપ T20 વર્લ્ડકપ પહેલા સમાપ્ત થઈ ગયો છે, જ્યાં શ્રીલંકા ચેમ્પિયન બન્યું હતું. આ એશિયા કપ UAEમાં યોજાયો હતો, તે પહેલા શ્રીલંકામાં યોજાવાનો હતો પરંતુ ખરાબ પરિસ્થિતિને કારણે તેને UAE શિફ્ટ કરવો પડ્યો હતો.
પાકિસ્તાનને થઈ શકે છે મોટું નુકસાન?
જો ટીમ ઈન્ડિયા પાકિસ્તાન ન જવાનો નિર્ણય લે છે તો પાકિસ્તાન ક્રિકેટ બોર્ડ માટે તે મોટો ઝટકો હશે. પાકિસ્તાન ક્રિકેટ બોર્ડ અહીં યજમાન તરીકે ઘણું કમાઈ શક્યું હોત, પરંતુ હવે તે તેમના માટે ખોટ સમાન હશે. કારણ કે જો ટીમ ઈન્ડિયા પીછેહઠ કરશે તો સ્થળ બદલવું પડશે.
શ્રીલંકા બન્યું ચેમ્પિયન
એશિયા કપ 2022માં ભારત અને પાકિસ્તાન વચ્ચે 2 મેચ રમાઈ હતી, જેમાં એકમાં ભારત અને એક પાકિસ્તાને જીતી હતી. જોકે, બાદમાં બંનેમાંથી કોઈ એશિયા કપ જીતી શક્યું ન હતું અને શ્રીલંકા ચેમ્પિયન બન્યું હતું. આ વખતે એશિયા કપ 20-20 ફોર્મેટમાં રમાયો હતો.
રોજર બિન્ની BCCIના નવા પ્રમુખ
જો BCCIની AGMની વાત કરીએ તો આ મહત્વની બેઠકમાં બોર્ડ માટે નવા પ્રમુખ મેળવવા સહિત ઘણા મોટા નિર્ણયો લેવામાં આવ્યા છે. રોજર બિન્ની હવે સૌરવ ગાંગુલીના સ્થાને BCCIના નવા પ્રમુખ બન્યા છે. રાજીવ શુક્લા ઉપપ્રમુખ, જય શાહ સેક્રેટરી, જોઈન્ટ સેક્રેટરી દેવજીત સાયકિયા, ટ્રેઝરર આશિષ શેલાર બન્યા છે.