જો પાણીમાં સિંહ અને મગરની ટક્કર થાય, તો તે સિંહને પણ હરાવી શકે એટલી તાકાત ધરાવે છે. હાલમાં મગર અને હરણનો એક વીડિયો સોશિયલ મીડિયા પર વાયરલ (Viral Video) થઈ રહ્યો છે. આ વીડિયો ખરેખર ચોંકાવનારો છે.
Image Credit source: Instagram
Shocking Video : જંગલમાં પ્રાણીઓ કેવુ જીવન જીવે છે તેની આપણે કલ્પના જ નહીં કરી શકીએ. દરેક સમયે ત્યા જીવનું જોખમ હોય છે. જેમ જંગલમાં સિંહ જંગલનો રાજા હોય છે, તેમ મગર પણ પાણીનો રાજા છે. તે પાણીમાં સિંહ જેટલો જ તાકાતવર હોય છે. જો પાણીમાં સિંહ અને મગરની ટક્કર થાય, તો તે સિંહને પણ હરાવી શકે એટલી તાકાત ધરાવે છે. હાલમાં મગર અને હરણનો એક વીડિયો સોશિયલ મીડિયા પર વાયરલ (Viral Video) થઈ રહ્યો છે. આ વીડિયો ખરેખર ચોંકાવનારો છે.
વાયરલ થઈ રહેલા વીડિયોમાં જંગલનો નજારો જોવા મળી રહ્યો છે. એક હરણ તળાવમાંથી પાણી પી રહ્યુ છે, તેવામાં અચાનક એક મગર પાણીમાંથી બહાર આવીને તે પાણી પીતા હરણનો શિકાર કરવાનો પ્રયત્ન કરે છે. પણ હરણ તરત ખતરાનું અનુમાન લગાવીને મગરથી દૂર જતુ રહે છે. સ્ફૂર્તિને કારણે હરણ તેનો જીવ બચાવી શક્યુ હતુ. જો તે હરણ આરામથી આજુબાજુ નજર રાખ્યા વગર પાણી પીતુ હોત, તો આજે તે મગરનો શિકાર બની ગયુ હોત.
આ રહ્યો એ વાયરલ વીડિયો
આ ખતરનાક વાયરલ વીડિયો સોશિયલ મીડિયા પ્લેટફોર્મ ઈન્સ્ટાગ્રામ પર wildlifeanimall નામના એકાઉન્ટ પરથી શેયર કરવામાં આવ્યો છે. આ વીડિયો સોશિયલ મીડિયા પર ભારે વાયરલ થયો છે. સોશિયલ મીડિયા યુઝર આ વીડિયો શેયર કરવાની સાથે સાથે તેવા પર પોતાની પ્રતિક્રિયા પણ આપી રહ્યા છે. એક યુઝરે પ્રતિક્રિયા આપતા લખ્યુ છે કે, આના પરથી જાણવા મળે છે કે જંગલનું જીવન કેટલુ મુશ્કેલ છે. બીજા એક યુઝરે પ્રતિક્રિયા આપતા લખ્યુ છે કે, જીવનમાં એકટિવ રહો, તેનાથી જ તમારુ જીવન ટકી રહેશે.