ENG v AFG: 24 વર્ષીય યુવા સ્ટારે રચી દીધો ઈતિહાસ, પ્રથમ વાર જ ટી20 વિશ્વકપ રમતા જ મચાવી ધમાલ

ઈંગ્લેન્ડના યુવા બોલર સેમ કરને (Sam Curran) T20 વર્લ્ડ કપ (T20 World Cup 2022) માં પોતાની પ્રથમ મેચમાં જ રેકોર્ડ બ્રેકિંગ પ્રદર્શન કરીને ઈતિહાસ રચી દીધો હતો.

ઑક્ટો 22, 2022 | 9:18 PM

TV9 ગુજરાતી | સંપાદિત: અવનીશ ગોસ્વામી

ઑક્ટો 22, 2022 | 9:18 PM

ઈંગ્લેન્ડે T20 વર્લ્ડ કપમાં અફઘાનિસ્તાનને હરાવીને પોતાના અભિયાનની શાનદાર શરૂઆત કરી હતી. અફઘાનિસ્તાનની ટીમ માત્ર 112 રન જ બનાવી શકી અને ઈંગ્લેન્ડે આ ટાર્ગેટ સરળતાથી મેળવી લીધો. બોલ સાથે ઐતિહાસિક પ્રદર્શન કરનાર અફઘાનિસ્તાનની હાલત ખરાબ કરવામાં સેમ કુરનનો મહત્વનો ભાગ હતો.

સેમ કુરેને 3.4 ઓવર નાંખી જેમાં તેણે 10 રન આપીને પાંચ વિકેટ લીધી. આ દરમિયાન તેનો ઈકોનોમી રેટ 2.70 હતો. તેણે ઈબ્રાહિમ ઝદરાન, ઉસ્માન ગની, અજમતુલ્લાહ, રાશિદ ખાન અને ફઝલહક ફારૂકીની વિકેટ લીધી હતી.

માત્ર 24 વર્ષની ઉંમરે સેમ કર્ને પોતાના દેશ માટે ઈતિહાસ રચી દીધો. 29 ટી20 ઈન્ટરનેશનલ રમી ચૂકેલા સેમ કુરન ઈંગ્લેન્ડ તરફથી ટી20 ફોર્મેટમાં પાંચ વિકેટ લેનારો પ્રથમ બોલર બની ગયો છે. કરણે પોતાની પ્રથમ વર્લ્ડ કપ મેચમાં આ કારનામું કર્યું હતું.

સેમ કુરન હવે 5/10ના પ્રદર્શન સાથે ટી20 ફોર્મેટમાં ઈંગ્લેન્ડ માટે સર્વશ્રેષ્ઠ પ્રદર્શન કરનાર બની ગયો છે. તેના પહેલા આ રેકોર્ડ આદિલ રાશિદના નામે હતો જેણે વર્ષ 2021માં દુબઈમાં બે રનમાં ચાર વિકેટ ઝડપી હતી.

મેચ બાદ સેમ કરને કહ્યું કે તેને આ પ્રદર્શનની આશા નહોતી. તેણે કહ્યું, ‘જ્યારે મેચ શરૂ થઈ ત્યારે મેં વિચાર્યું ન હતું કે હું આવી રમત બતાવીશ. હું મારા યોગદાન માટે પ્રસન્ન છું. તમારે આવા દિવસનો આનંદ માણવો જોઈએ.

સૌથી વધુ વાંચેલી વાર્તાઓ