ભારતનું પ્રથમ ઓપરેશનલ સ્માર્ટ સિટી અને ઇન્ટરનેશનલ ફાઇનાન્શિયલ સર્વિસીસ સેન્ટર (IFSC) ગિફ્ટ સિટીએ(GIFT City) ગુરુવારે જાહેરાત કરી હતી કે, ગિફ્ટ સિટી અને જાપાનના ફિનટેક સમુદાયમાં ફિનટેક ઇકોસિસ્ટમ મજબૂત કરવા ફિનટેક એસોસિએશન ઓફ જાપાન(JAPAN) સાથે એમઓયુ કર્યા છે.
છબી ક્રેડિટ સ્ત્રોત: ફાઇલ છબી
ભારતનું પ્રથમ ઓપરેશનલ સ્માર્ટ સિટી અને ઇન્ટરનેશનલ ફાઇનાન્શિયલ સર્વિસીસ સેન્ટર (IFSC) ગિફ્ટ સિટીએ(ગિફ્ટ સિટી) ગુરુવારે જાહેરાત કરી હતી કે, ગિફ્ટ સિટી અને જાપાનના ફિનટેક સમુદાયમાં ફિનટેક ઇકોસિસ્ટમ મજબૂત કરવા ફિનટેક એસોસિએશન ઓફ જાપાન(જાપાન) સાથે એમઓયુ કર્યા છે. નોંધપાત્ર બાબત એ છે કે, ગિફ્ટ સિટી આંતરરાષ્ટ્રીય ફિનટેક કેન્દ્ર તરીકે વિકસી રહ્યું છે, જ્યાં પ્રસિદ્ધ આંતરરાષ્ટ્રીય કંપનીઓ કામ કરે છે. આ કંપનીઓમાં એક અગ્રણી જાપાનીઝ બેંક સામેલ છે. આ એમઓયુ આંતરરાષ્ટ્રીય સ્તરે ગિફ્ટ સિટીના વધતા મહત્વ કે પ્રભાવનો સંકેત છે.
ગિફ્ટ સિટીને ભારતમાં ફિનટેક કેન્દ્ર તરીકે પ્રોત્સાહન આપવામાં આવશે
આ એમઓયુના ભાગરૂપે ગિફ્ટ સિટી અને એફએજેએ ફિનટેક સ્ટાર્ટઅપ્સને પ્રોત્સાહન આપવા, આગળ વધારવા અને ટેકો આપવા માટે ફિનટેક ઇનોવેશન અને ફિનટેક એક્સલરેટરની સતત આગેકૂચ જાળવી રાખવા માટેની યોજના બનાવી છે. ઉપરાંત એમઓયુ અંતર્ગત આંતરરાષ્ટ્રીય નાણાકીય સેવાઓ સાથે સંબંધિત કાર્યક્રમો હાથ ધરવામાં આવશે, ગિફ્ટ સિટીને ભારતમાં ફિનટેક કેન્દ્ર તરીકે પ્રોત્સાહન આપવામાં આવશે તેમજ ભારત અને જાપાનમાં તકો ઝડપવા ફિનટેક ક્ષેત્રમાં યુવાન ઇનોવેટર્સને તક પૂરી પાડવામાં આવશે.
ગિફ્ટ સિટી અને એફએજે પેમેન્ટ, ધિરાણ, ફાઇનાન્શિયલ આયોજન, વીમા ટેકનોલોજી, નિયમનકારી ટેકનોલોજી, વેલ્થ મેનેજમેન્ટ અને ટ્રેડ પ્રોસેસિંગ વગેર જેવા ક્ષેત્રો પર ફિનટેક ક્ષેત્ર પર કેન્દ્રિત ક્ષેત્રોમાં બૂટકેમ્પ્સ, હેકેથોન્સ તથા ઇન્ક્યુબેશન અને એક્સલરેશન જેવા ઉદ્યોગ સાહસિકતાના કાર્યક્રમોને બનાવવા અને તેનો નવીન રીતે અમલ કરવા પણ જોડાણ કરશે. ઉદ્યોગસાહસિકતા સાથે સંબંધિત કાર્યક્રમો નાણાકીય સર્વસમાવેશકતા, સાયબર સુરક્ષા, આર્ટિફિશિયલ ઇન્ટેલિજન્સ (એઆઇ), બ્લોકચેઇન અને હ્યુમન ઓગ્મેન્ટેશન પર પણ ધ્યાન કેન્દ્રિત કરશે.
આ એમઓયુ પર હસ્તાક્ષર કર્યા પછી ગિફ્ટ સિટીના મેનેજિંગ ડિરેક્ટર અને ગ્રૂપ સીઇઓ તપન રેએ કહ્યું હતું કે, “ગિફ્ટ સિટી અન્ય આંતરરાષ્ટ્રીય ફિનટેક કેન્દ્રોને સમકક્ષ શ્રેષ્ઠ ફિનટેક ઇકોસિસ્ટમ્સ પૈકીની એક પ્રદાન કરે છે. એફએજે સાથે જોડાણનો ઉદ્દેશ ગિફ્ટ સિટીમાં કાર્યરત કંપનીઓની કામગીરીઓને વધારવાનો અને તેમના માટે વધારે મૂલ્યનું સર્જન કરવાનો છે. તેના પરિણામે ફિનેટક ક્ષેત્રમાં વધારે જાગૃતિ, જાણકારી આવશે તથા તમામ હિતધારકો વધારે સક્ષમ બનશે. ભારત અન્ય કેટલાંક વિકસિત દેશો કરતાં વધારે ઝડપથી પરિવર્તનકારક ફાઇનાન્શિયલ ટેકનોલોજીઓ અપનાવવાનો ઇતિહાસ ધરાવે છે અને મને ખાતરી છે કે, આગામી વર્ષોમાં ફિનટેક ક્ષેત્રમાં ગિફ્ટ સિટીમાંથી કાર્યરત ફિનટેક કંપનીઓનું વર્ચસ્વ સ્થાપિત થશે.”
એફએજેના વાઇસ-ચેર ટકેશી કિટોએ કહ્યું હતું કે, “જાપાન અને ભારતે વિવિધ ક્ષેત્રોમાં વ્યૂહાત્મક ભાગીદારીઓ ઊભી કરી છે તથા ફાઇનાન્શિયલ સેક્ટરમાં જાપાન-ઇન્ડિયા ફાઇનાન્શિયલ કોઓપરેશન ડાયલોગ યોજાયો હતો અને એને ચાલુ વર્ષે વધારે ઉચ્ચ સ્તરે જાપાન-ઇન્ડિયા ફાઇનાન્સ ડાયલોગ તરીકે અપગ્રેડ કરવામાં આવ્યો હતો. આ છેલ્લાં થોડાં વર્ષોમાં આપણો દ્વિપક્ષીય ફાઇનાન્શિયલ સાથસહકાર અગાઉ કરતાં વધારે મહત્વપૂર્ણ બન્યો હોવાનું દર્શાવે છે. મારું માનવું છે કે, આ સાથસહકારમાં ફિનટેક મહત્વપૂર્ણ ભાગ છે. આ એમઓયુ પર હસ્તાક્ષર બંને દેશોની ફિનટેક ઇકોસિસ્ટમ્સ વચ્ચે જોડાણને વધારે મજબૂત કરશે તથા અમે ગિફ્ટ સિટીના વિકાસમાં સક્રિય પ્રદાન કરવા આતુર છીએ. ગિફ્ટ સિટી સાથે જોડાણમાં હું આંતરરાષ્ટ્રીય ફિનટેક ક્ષેત્રમાં તેમજ દ્વિપક્ષીય આર્થિક સંબંધોમાં નક્કર અને મહત્વપૂર્ણ પરિણામો હાંસલ કરવા આતુર છું.”
ગિફ્ટ સેઝ એક મલ્ટિ-સર્વિસીસ સ્પેશ્યલ ઇકોનોમિક ઝોન છે, જે ગિફ્ટ સિટીની અંદર કાર્યરત છે અને તેમાં ભારતનું પ્રથમ આઇએફએસસી પણ કાર્યરત છે. ગિફ્ટ આઇએફએસસી મૂડીબજારો, ઓફશોર વીમો, ઓફશોર બેંકિંગ અને એસેટ મેનેજમેન્ટ સાથે સંબંધિત, વિમાન અને જહાજ ભાડાપટ્ટે રાખવા સાથે સંબંધિત તથા સંલગ્ન સેવાઓ પ્રદાન કરે છે. ગિફ્ટ આઇએફએસસી બે આંતરરાષ્ટ્રીય સ્ટોક એક્સચેન્જ ધરાવે છે, જેમનું સરેરાશ ડેઇલી ટ્રેડિંગ વોલ્યુમ 11 અબજ ડોલરથી વધારે છે.