રાજયમાં વિજયાદશમીની ઉત્સાહભેર ઉજવણી, મુખ્યપ્રધાન ભૂપેન્દ્ર પટેલે શસ્ત્રોનું પૂજન કર્યું | Vijayadashami celebrated with enthusiasm in state, Chief Minister Bhupendra Patel saluted arms

મુખ્યમંત્રી ભૂપેન્દ્ર પટેલે (CM Bhupendra Patel) વિજયાદશમીના અવસરે મુખ્યમંત્રીએ સુરક્ષા કર્મીઓ સાથે મુખ્યમંત્રી નિવાસસ્થાને શસ્ત્ર પૂજન કર્યું હતું.

Oct 05, 2022 | 6:07 PM

TV9 GUJARATI | Edited By: Ashvin Patel

Oct 05, 2022 | 6:07 PM

અસત્ય પર સત્યના વિજયના પર્વ વિજયાદશમીની (Dussehra) ગુજરાતમાં (Gujarat) ઉત્સાહભેર ઉજવણી કરવામાં આવી છે. વિજયાદશમીના પાવન પર્વ નિમિત્તે મુખ્યપ્રધાન ભૂપેન્દ્ર પટેલે (CM Bhupendra Patel) ગાંધીનગરમાં તેમના નિવાસસ્થાને સુરક્ષા જવાનો સાથે મળીને શસ્ત્રોનું પૂજન કર્યું.

તમને જણાવી દઈએ કે, મુખ્યમંત્રીની સુરક્ષા સલામતી વ્યવસ્થામાં ફરજરત સુરક્ષા કર્મીઓના શસ્ત્રોના પ્રતિ વર્ષ વિજયાદશમીએ શાસ્ત્રોકત પૂજનની પરંપરા હાલના દેશના વડાપ્રધાન નરેન્દ્ર મોદીએ (PM Narendra Modi) ગુજરાતમાં તેમના મુખ્યમંત્રી કાર્યકાળ દરમિયાન શરૂ કરાવી છે.

આજે વિજયાદશમીએ મુખ્યમંત્રી ભૂપેન્દ્ર પટેલે આ પરંપરા આગળ ધપાવતા પોતાની સુરક્ષા વ્યવસ્થા સંભાળતા પોલીસ દળના કર્મીઓ સાથે તેમના શસ્ત્રોનું પૂજન વૈદિક મંત્રોચ્ચાર સાથે કર્યું હતું.

શસ્ત્રોનું પૂજન કર્યા બાદ સુરક્ષા કર્મીઓને (Gujarat Police) દશેરાની શુભેચ્છાઓ પાઠવી.

મુખ્યમંત્રી સુરક્ષાના પોલીસ અધિક્ષક ચિંતન તેરૈયાએ મુખ્યમંત્રીને આ પ્રસંગે આવકાર્યા હતા

તેમણે સૌ સુરક્ષા કર્મીઓને વિજયાદશમીની શુભેચ્છાઓ પાઠવી હતી અને રાષ્ટ્ર, રાજ્યના લોકોની રક્ષા, સમાજ સુરક્ષા માટે પોલીસ દળની કર્તવ્યપરાયણતાને બિરદાવી હતી. (Input Credit – Divyang Bhavsar)

Most Read Stories