દિલ્હી(Delhi)ના દક્ષિણ પશ્ચિમ જિલ્લાના પાલમ વિસ્તારમાં એક સનસનીખેજ મામલો સામે આવ્યો છે. રાજ નગર પાર્ટ-2માં એક ઘરમાંથી ચાર લોકોના મૃતદેહ મળી આવ્યા છે. પ્રાથમિક માહિતી અનુસાર, એક છોકરાએ તેના પિતા, બે બહેનો અને દાદીની હત્યા કરી છે.
દિલ્હી પોલીસ (ફાઇલ તસવીર)
TV9 ગુજરાતી | સંપાદિત: પિનાક શુક્લા
નવેમ્બર 23, 2022 | 7:07 AM
દિલ્હીના દક્ષિણ પશ્ચિમ જિલ્લાના પાલમ વિસ્તારમાં એક સનસનીખેજ મામલો સામે આવ્યો છે. રાજ નગર પાર્ટ-2માં એક ઘરમાંથી ચાર લોકોના મૃતદેહ મળી આવ્યા છે. મળતી માહિતી મુજબ એક છોકરાએ તેના પિતા, બે બહેનો અને દાદીની છરી વડે હત્યા કરી હતી. પોલીસને મંગળવારે રાત્રે લગભગ 10.30 વાગ્યે આ ઘટનાની માહિતી મળી હતી. જે બાદ પોલીસ ઘટના સ્થળે પહોંચી હતી. પોલીસે મૃતદેહોનો કબજો લઈ પોસ્ટમોર્ટમ માટે મોકલી આપ્યો હતો. પોલીસ ઘટનાની તપાસમાં લાગેલી છે.
પ્રાથમિક માહિતી મુજબ પુત્ર પર હત્યાનો આરોપ છે.પોલીસે હત્યારા પુત્રની ધરપકડ કરી લીધી છે. પોલીસ પુત્રની પૂછપરછમાં વ્યસ્ત છે કે તેણે હત્યા કેમ કરી. ત્યારે એક જ પરિવારના ચાર લોકોની હત્યાથી સમગ્ર વિસ્તારમાં ચકચાર મચી જવા પામી છે. દિલ્હી પોલીસે જણાવ્યું કે પાલમ વિસ્તારમાં એક ઘરમાં બે બહેનો, તેમના પિતા અને દાદી સહિત એક જ પરિવારના ચાર લોકોની હત્યા કરવામાં આવી હતી. આરોપી ઝડપાઈ ગયો છે.
