અમદાવાદ13 મિનિટ પહેલા
- કૉપી લિંક
ગુજરાત વિધાનસભાની ચૂંટણી માં પ્રથમ તબક્કામાં આવતીકાલે મતદાન યોજવાનું છે અને બીજા તબક્કાના ચૂંટણી પ્રચારના પડઘમ શાંત થવાને હવે ગણતરીના કલાકો બાકી છે. ત્યારે બીજા તબક્કાના મતદાનમાં અમદાવાદની અલગ અલગ વવિધાનસભાના ઉમેદવારો જોશોરથી છેલ્લી ઘડીનો પોતાનો પ્રચાર કરી રહ્યા છે. ઉમેદવારો ગેસના બાટલા લઈ મોંઘવારી મુદ્દે, બોલીવુડના સ્ટારને બોલાવી રેલીનું આયોજન કરી રહ્યા છે. અમદાવાદમાં બાપુનગરમાં સમાજવાદી પાર્ટીના ઉમેદવાર અલ્તાફ ખાન દ્વારા આજે બાઈક અને કાર રેલીનું આયોજન કરવામાં આવ્યું છે. બોલીવુડ સ્ટાર અમીશા પટેલ આજે સાંજે 4 વાગ્યે અલ્તાફ ખાનના સમર્થનમાં બાઈક રેલીમાં ભાગ લેશે.
સાંજે ચાર વાગ્યે આ બાઈક રેલીનું આયોજન કરવામાં આવ્યું છે જેમાં બોલીવુડ સ્ટાર અમીશા પટેલ અલ્તાફ ખાન માટે પ્રચાર કરશે. જ્યારે નરોડા વિસ્તારમાં એનસીપીના નેતા મેઘરજ ડોડવાણી દ્વારા કુબેરનગર, સરદારનગર અને નરોડા વિસ્તારમાં પ્રચાર કરવામાં આવી રહ્યો છે. મેઘરજ ડોડવાણી દ્વારા ડોર ટુ ડોર પ્રચાર કરવામાં આવી રહ્યો છે જેમાં તેઓ મોંઘવારી મુદ્દે પ્રચાર કરી રહ્યા છે અને ગેસનો બાટલા ના ભાવ જે રીતે વધ્યા છે જેથી તેઓ ગેસનો બાટલો સાથે લઈ અને લોકોને જાગૃત કરવાના પ્રયાસ કરી રહ્યા છે.
ભાજપ દ્વારા પણ કેન્દ્રીય નેતાઓ દ્વારા પ્રચાર જોર સોર થી પ્રચાર કરવામાં આવી રહ્યો છે. આજે જમાલપુર ખાડિયા વિધાનસભામાં ભાજપના રાષ્ટ્રીય અધ્યક્ષ જે પી નડા દ્વારા રોડ શો કરવામાં આવ્યો હતો. બહેરામપુરા મેલડી માતાના મંદિરથી લઇ વસંત રજબ અને સમગ્ર જમાલપુર વિસ્તારમાં ફરી અને જગન્નાથ મંદિરે રોડ શો પૂર્ણ થયો હતો. રોડ શો માં પૂર્વ રાજ્યમંત્રી પ્રદિપસિંહ જાડેજા અને સ્થાનિક નેતાઓ અને ભાજપના કાર્યકર્તાઓ જોડાયા હતા. જ્યારે કેન્દ્રીય મંત્રી રાજનાથ સિંહ દ્વારા પણ આજે નારણપુરા વિધાનસભામાં ભાજપના ઉમેદવાર જીતુ ભગત માટે ડોર ટુ ડોર પ્રચાર કરવામાં આવ્યો હતો. રાજનાથ સિંહએ નારણપુરામાં લોકોને ઘરે ઘરે પત્રિકા વહેંચી અને પ્રચાર કર્યો હતો.
