માર્ટિન ગુપ્ટિલ છેલ્લા 14 વર્ષથી ન્યૂઝીલેન્ડની સફેદ બોલ ટીમનો નિયમિત સભ્ય હતો. તે T20 વર્લ્ડ કપ 2022ની ટીમનો પણ ભાગ હતો, પરંતુ તેને ત્યાં એક પણ મેચ રમવા ન મળી.
Martin Guptill હવે ટી20 લીગમાં જ રમશે
ન્યુઝીલેન્ડ ક્રિકેટ ફરી મુશ્કેલીમાં છે. ભારત સામે ટી20 સીરીઝમાં મળેલી હાર બાદ આ વખતે માજરા ટીમના અનુભવી ઓપનર માર્ટિન ગુપ્ટિલ સાથે જોડાયો છે. કિવી ક્રિકેટ બોર્ડે ગુપ્ટિલ સાથે સેન્ટ્રલ કરાર તોડ્યો છે. ગુપ્ટિલ છેલ્લા 14 વર્ષથી ન્યૂઝીલેન્ડ ક્રિકેટ બોર્ડના સેન્ટ્રલ કોન્ટ્રાક્ટમાં હતો. ન્યુઝીલેન્ડ બોર્ડે ગુપ્ટિલની માંગ પર કોન્ટ્રાક્ટ સમાપ્ત કરવા માટે સંમતિ દર્શાવી હતી. ન્યુઝીલેન્ડના સેન્ટ્રલ કોન્ટ્રાક્ટમાંથી મુક્ત થયા બાદ માર્ટિન ગુપ્ટીલે હવે તેની ટીમના સાથી ટ્રેન્ટ બોલ્ટના માર્ગને અનુસર્યો છે.
માર્ટિન ગુપ્ટિલ છેલ્લા 14 વર્ષથી ન્યૂઝીલેન્ડની સફેદ બોલ ટીમનો નિયમિત સભ્ય હતો. તે T20 વર્લ્ડ કપ 2022ની ટીમનો પણ ભાગ હતો, પરંતુ તેને ત્યાં એક પણ મેચ રમવા ન મળી. તે પછી ભારત સામેની ટી20 અને વનડે શ્રેણી માટે પણ તેની પસંદગી કરવામાં આવી ન હતી.
માર્ટિન અને NZC વચ્ચેનો કરાર સમાપ્ત
આ તમામ ઘટનાક્રમ પછી, માર્ટિન ગુપ્ટિલે ન્યુઝીલેન્ડ ક્રિકેટ બોર્ડ સાથે વાત કરી અને તેને તાત્કાલિક અસરથી સેન્ટ્રલ કરારમાંથી મુક્ત કરવા સંમત થયા. ગુપ્ટિલને સેન્ટ્રલ કોન્ટ્રાક્ટમાંથી મુક્ત કરવાનો અર્થ એ છે કે તે પણ હવે બોલ્ટની જેમ વિશ્વની કોઈપણ લીગમાં રમી શકશે. આ ઉપરાંત તે દેશની ક્રિકેટ ટીમને પોતાની સેવાઓ આપવા માટે પણ મુક્ત રહેશે.
