સપ્ટેમ્બરમાં 144, ઓક્ટોબરમાં 105 જ્યારે નવેમ્બરમાં ફક્ત 60 કેસ નોંધાયા, 33%નો ઘટાડો | 144 in September, 105 in October while only 60 cases were reported in November, a decrease of 33%.

રાજકોટ16 મિનિટ પહેલા

• કૉપી લિંક

પ્રતીકાત્મક તસવીર

રાજકોટ શહેરમાં કોરોનાના કેસમાં ધરખમ ઘટાડો આવ્યો છે. છેલ્લા 3 મહિનાથી ક્રમશ: કોરોનાના કેસમાં ધરખમ ઘટાડો આવી રહ્યો છે.

કેસ એકદમથી ઘટી ગયા
ઓગસ્ટ મહિનામાં રાજકોટ શહેરમાં 859 નવા કોરોના પોઝિટિવ કેસ નોંધાયા હતા અને દરરોજ સરેરાશ 25થી 30 કેસ આવી રહ્યાં હતાં. આ કારણે સંખ્યા ફરી વધશે તેવી શક્યતા હતી પણ સપ્ટેમ્બરના પ્રથમ સપ્તાહથી જ કેસ એકદમથી ઘટી ગયા હતા અને બાદમાં શૂન્ય કેસ નોંધાઈ રહ્યાં હતાં. આખા માસ દરમિયાન ફક્ત 144 કેસ જ નોંધાયા હતા.

એક્ટિવ કેસ 40ની આસપાસ હતા
જે બાદ ઓક્ટોબર આવતા કેસમાં ઘટાડો ચાલુ રહ્યો હતો વચ્ચેના એક સપ્તાહમાં નજીવો વધારો આવ્યો હતો પણ ફરી કેસ ઘટતા ગયા હતા આ કારણે ઓક્ટોબરના 24 દિવસ સુધીમાં કેસની સંખ્યા 90 જ રહી છે અને દિવાળી બાદ નવા 15 કેસ આવતા આંક 105 રહ્યો હતો તેમજ એક્ટિવ કેસ પણ 40ની આસપાસ હતા. જોકે નવેમ્બર ચાલુ થતા જ આંક એકદમથી ઘટવા લાગ્યા હતા.

કોરોનાના વળતા પાણી
છૂટક કેસ આવ્યા ઉપરાંત કોઇ મોટી સંખ્યા નોંધાઈ ન હતી આ જ કારણે 30 દિવસમાં માત્ર 60 એટલે કે દૈનિક સરેરાશ 2 કરતા ઓછા કેસ આવ્યા જે ગત માસની સરખામણીએ 33 ટકાથી વધુનો ઘટાડો દર્શાવે છે. હાલની સ્થિતિ જોઇએ તો ફક્ત પાંચ એક્ટિવ કેસ છે જ્યારે અત્યાર સુધીનો કુલ આંક 65698 થયો છે. રસીકરણ અને લોકોની જાગૃતિને કારણે કોરોનાના વળતા પાણી થઈ રહ્યા છે.

અન્ય સમાચારો પણ છે…