રાવલપિંડીમાં ટેસ્ટ મેચના પહેલા જ દિવસે ઈંગ્લેડની ટીમે પાકિસ્તાન સામે 4 વિકેટ ગુમાવીને 506 રનનો વિશાળકાય સ્કોર બનાવ્યો હતો. ઈંગ્લેન્ડના જે ખેલાડીઓનો રેકોર્ડ ટેસ્ટમાં સામાન્ય હતો, તેમણે ઈંગ્લેન્ડની ટીમ માટે એક દિવસમાં ટેસ્ટ મેચનો સૌથી મોટો સ્કોર બનાવ્યો છે.
છબી ક્રેડિટ સ્ત્રોત: ફાઇલ ફોટો
ક્રિકેટ અનિશ્વિતતાની રમત છે. ભૂતકાળમાં આપણે ક્રિકેટ મેચ દરમિયાન એવી અનેક ઐતિહાસિક ઘટનાઓ જોઈ છે, જેની ચર્ચા આજે પણ થાય છે. હાલમાં આવી જ એક ઘટના ભારતના પડોશી દેશ પાકિસ્તાનમાં બની છે. ઈંગ્લેન્ડ અને પાકિસ્તાન વચ્ચે હાલમાં ટેસ્ટ સીરિઝની શરુઆત થઈ છે. આ મેચમાં ઈંગ્લેન્ડ ક્રિકેટ ટીમે 112 વર્ષ જૂનો રેકોર્ડ તોડ્યો છે. રાવલપિંડીમાં ટેસ્ટ મેચના પહેલા જ દિવસે ઈંગ્લેડની ટીમે પાકિસ્તાન સામે 4 વિકેટ ગુમાવીને 506 રનનો વિશાળકાય સ્કોર બનાવ્યો હતો. ઈંગ્લેન્ડના જે ખેલાડીઓનો રેકોર્ડ ટેસ્ટમાં સામાન્ય હતો, તેમણે ઈંગ્લેન્ડની ટીમ માટે એક દિવસમાં ટેસ્ટ મેચનો સૌથી મોટો સ્કોર બનાવ્યો છે. આજે ઈંગ્લેન્ડના ચાર ખેલાડીઓએ પાકિસ્તાનના બોલરોને ધોઈ નાખ્યા હતા.
ઈંગ્લેન્ડની ટીમ 17 વર્ષ બાદ પાકિસ્તાનમાં ટેસ્ટ રમવા ગઈ હતી. 17 વર્ષ બાદ પાકિસ્તાનમાં ટેસ્ટ મેચના પહેલા જ દિવસે ઈંગ્લેન્ડની ટીમે રનનો વરસાદ કર્યો હતો. ખરાબ પ્રકાશને કારણે પહેલા દિવસની રમત પૂરી નહીં થઈ શકી. માત્ર 75 ઓવરમાં જ ઈંગ્લેન્ડની ટીમે પાકિસ્તાનની ટીમના બોલરનોને ચકિત કરી દીધા હતા. ઈંગ્લેન્ડની ટીમ ટેસ્ટમાં પહેલા જ દિવસે 500 રન કરનાર પહેલી ક્રિકેટ ટીમ બની ગઈ છે. ઈંગ્લેન્ડની ટીમના 4 બેટ્સમેનોએ સદી મારી હતી, જે પણ ટેસ્ટ ક્રિકેટના ઈતિહાસમાં પહેલીવાર થયુ છે.
ઈંગ્લેન્ડ Vs પાકિસ્તાન- પહેલી ટેસ્ટ મેચ, દિવસ – 1
ચાર સદીઓ 💯#PAKvENG pic.twitter.com/QTZdbk9rOH
– ઈંગ્લેન્ડ ક્રિકેટ (@englandcricket) 1 ડિસેમ્બર, 2022
જેક ક્રાઉલી – 122 (111), બેન ડકેટ – 107 (110), ઓલી પોપ – 108 (104), હેરી બ્રુક – 101* (81)
ઈંગ્લેન્ડની ક્રિકેટ ટીમે તોડયો 112 વર્ષ જૂનો રેકોર્ડ
ટેસ્ટ મેચના પ્રથમ દિવસે 5️⃣0️⃣6️⃣ રન!
અમે આ ટીમને પ્રેમ કરીએ છીએ 😍
સ્કોરકાર્ડ: https://t.co/wnwernG6Ch
🇵🇰 #PAKvENG 🏴 pic.twitter.com/AlXodwtd8h
– ઈંગ્લેન્ડ ક્રિકેટ (@englandcricket) 1 ડિસેમ્બર, 2022
1. ઈંગ્લેન્ડ (વર્ષ 2022માં પાકિસ્તાન સામે) – 506 રન
2. ઓસ્ટ્રેલિયા (વર્ષ 1910માં દક્ષિણ આફ્રિકા સામે) – 494 રન
3. ઓસ્ટ્રેલિયા (વર્ષ 2012માં દક્ષિણ આફ્રિકા સામે) – 482 રન
4. ઓસ્ટ્રેલિયા (વર્ષ 1934માં ઈંગ્લેન્ડ સામે) – 475 રન
5. ઈંગ્લેન્ડ (વર્ષ 1936માં ભારત સામે) – 471 રન
નવા રેકોર્ડ બન્યા અને જૂના રેકોર્ડ તૂટ્યા
તમે મનોરંજન નથી!? 😉
🇵🇰 #PAKvENG 🏴 pic.twitter.com/R2gTwjo2Nv
– ઈંગ્લેન્ડ ક્રિકેટ (@englandcricket) 1 ડિસેમ્બર, 2022
જેક ક્રાઉલી – 122 (111), બેન ડકેટ – 107 (110), ઓલી પોપ – 108 (104), હેરી બ્રુક – 101* (81) રન બનાવીને ટેસ્ટ મેચમાં અનેક નવા રેકોર્ડ બનાવ્યા અને અનેક જૂના રેકોર્ડ તોડયા છે. હાલમાં ઈંગ્લેન્ડ ટીમની આ ઐતિહાસિક બેટિંગની આખા વિશ્વમાં ચર્ચા થઈ રહી છે.
