ગોવાના મોપા એરપોર્ટનું વડાપ્રધાન મોદી કરશે ઉદ્ઘાટન, 2016 માં શિલાન્યાસ કર્યું તે જ એરપોર્ટનું PM કરશે ઉદ્ઘાટન

• ગુજરાતી સમાચાર » ફોટો ગેલેરી » PM મોદી કરશે ગોવા મોપા એરપોર્ટનું ઉદ્ઘાટન PM એ જ એરપોર્ટનું ઉદ્ઘાટન કરશે જ્યાં શિલાન્યાસ કરવામાં આવ્યો હતો

વડાપ્રધાન નરેન્દ્ર મોદી આવતીકાલે 11 ડિસેમ્બરે મહારાષ્ટ્ર અને ગોવાની મુલાકાત લેવા જઈ રહ્યા છે. આ દરમિયાન વડાપ્રધાન મોદી ગોવાના મોપા ઈન્ટરનેશનલ એરપોર્ટનું ઉદ્ઘાટન કરશે.

ડિસે 10, 2022 | 9:57 PM

TV9 ગુજરાતી | સંપાદિત: અભિજ્ઞા મૈસુરિયા

ડિસે 10, 2022 | 9:57 PM

11મી ડિસેમ્બરે વડાપ્રધાન મોદી ગોવાના મોપા ઈન્ટરનેશનલ એરપોર્ટનું ઉદ્ઘાટન કરશે. આ એરપોર્ટ દેશનું 5મું એરપોર્ટ હશે જેનું શિલાન્યાસ અને ઉદ્ઘાટન વડાપ્રધાન મોદી દ્વારા જ થયુ હશે.

આ એરપોર્ટનું શિલાન્યાસ પણ વડાપ્રધાન મોદી દ્વારા નવેમ્બર 2016માં કરવામાં આવ્યું હતુ. ગોવાનું આ બીજુ એરપોર્ટ છે. આ પહેલા ગોવામાં માત્ર ડબોલિમ એરપોર્ટ હતુ. મોપા એરપોર્ટ આ ડાબોલિમ એરપોર્ટ કરતા અનેક અપગ્રેડ સુવિધાથી યુકત છે.

ડાબોલિમ એરપોર્ટની વર્તમાન વાર્ષિક પેસેન્જર હેન્ડલિંગ ક્ષમતા 8.5 મિલિયન છે. મોપા એરપોર્ટ કાર્યરત થતા જ કુલ પેસેન્જર હેન્ડલિંગ ક્ષમતા લગભગ 13 મિલિયન થઈ જશે. જેની મદદથી ગોવામાં એરપોર્ટ વાર્ષિક પેસેન્જર હેન્ડલિંગ ક્ષમતા લગભગ 10.5 થી 43.5 મિલિયન સુધી વધવાની શક્યતા છે.

ડાબોલિમ એરપોર્ટ 15 સ્થાનિક અને 6 આંતરરાષ્ટ્રીય સ્થાનો સાથે સીધું જોડાણ પ્રદાન કરે છે. મોપા એરપોર્ટ દ્વારા તે જોડાણ વધીને 35 સ્થાનિક અને 18 આંતરરાષ્ટ્રીય સ્થાન થશે. ડાબોલિમ એરપોર્ટ પર રાત્રિ પાર્કિંગની સુવિધા ન હતી, પણ મોપા એરપોર્ટ પર રાત્રિ પાર્કિંગની પણ વ્યવસ્થા છે. ડાબોલિમ એરપોર્ટ ખાતે કોઈ કાર્ગો ટર્મિનલ ન હતુ, પણ નવા મોપા એરપોર્ટ પાસે 25,000 MTની હેન્ડલિંગ ક્ષમતા સાથે કાર્ગો ટર્મિનલની સુવિધા હશે.

દેશમાં કાર્યરત એરપોર્ટની સંખ્યા 2014 થી લગભગ બમણી થઈને 74 થી વધીને 140 થી વધુ થઈ ગઈ છે. સરકાર આગામી 5 વર્ષમાં 220 એરપોર્ટ વિકસાવવા અને કાર્યરત કરવાની યોજના કરી રહી છે.

સૌથી વધુ વાંચેલી વાર્તાઓ