ગઇકાલે મળી આવી હતી લાશ
ગઇકાલે અમદાવાદના કાગડાપીઠ વિસ્તારમાં આવેલી એક ખાનગી હોસ્પિટલમાંથી બે લાશ મળી આવી છે. પોલીસ તપાસમાં બંને માતા-પુત્રી હોવાનું સામે આવ્યું હતું. આ ઉપરાંત બંનેની ઇન્જેક્શન મારીને હત્યા કરી હોવાનું જાણવા મળ્યું હતું. જે બાદ પોલીસે આગળની તપાસ હાથ ધરી હતી. હવે આ મામલે ચોંકાવનારો ખુલાસો થયો છે. હત્યારો બીજો કોઇ નહીં પરંતુ કમ્પાઉન્ડર જ નિકળ્યો છે.
આ પણ વાંચો: અમદાવાદના બાપુનગરમાં ધોળા દિવસે હથિયાર બતાવી 20 લાખની લૂંટ, ત્રણ આરોપીની ધરપકડ
મનસુખ મૃતક ભારતીના પતિના સગા પણ થાય છે
મળતી માહિતી પ્રમાણે, અમદાવાદમાં આવેલા ભુલાભાઈ પાર્ક પાસે આ ખાનગી હોસ્પિટલમાંથી લાશ મળી આવેલી છે. હોસ્પિટલના કબાટમાંથી ભારતી વાળા નામની મહિલાની લાશ મળી આવી છે. આ ઘટનાની જાણ થતાં જ પોલીસે ઘટનાસ્થળે પહોંચી હતી અને તપાસ હાથ ધરી હતી. ભારતીની સારવાર અહીંયા ચાલી રહી હતી અને જેમાં હોસ્પિટલમાં કામ કરતા મનસુખ નામના યુવક જે ભારતીના પતિ લક્ષ્મણના સગા પણ થાય છે તેના સંપર્ક થી અહીંયા સારવાર ચાલી રહી હતી. લક્ષ્મણના લગ્ન 6 વર્ષ જેટલો સમય થઈ ગયો છે અને ભારતી 6 મહિનાથી રિસામણે જઈને પિયર શાહવાડીમાં રહેતી હતી.
ઘટનાની વાત કરીએ તો, ડૉ. અર્પિત શાહની હોસ્પિટલમાં અન્ય 3 લોકો કામ કરે છે. ડોક્ટર કામ પતાવીને નીકળી ગયા હતા, ત્યાર બાદ હોસ્પિટલના અન્ય સ્ટાફ કબાટમાંથી કોઈ વસ્તુ મૂકવા ગયા તો જે જગ્યા ગેસનો બાટલો હતો તે જગ્યા ઉપર ભારતીની લાશ મળી આવી હતી. ડોક્ટરને જાણ કરવામાં આવી હતી અને ત્યાર બાદ પોલીસને પણ ઘટના અંગે માહિતી આપવામાં આવી હતી.
તમારા શહેરમાંથી (અમદાવાદ)
ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર
Tags: Ahmedabad news, Crime news, Gujarat News