- Gujarati News
- Local
- Gujarat
- Bharuch
- A Car Heading Towards Navsari Collided With A Tree Between Cambodia Chaswad In Netrang, One Died On The Spot And Two Died During Treatment.
ભરૂચએક કલાક પહેલા
- કૉપી લિંક
નમઁદા જિલ્લાના રામાનંદ આશ્રમના સાધુ-સંતો ગાડી લઇને રાજપીપળાથી નવસારી તરફ પસાર થઇ રહ્યા હતા. ત્યારે નેત્રંગ-વાડી રોડ ઉપર આવેલી કંબોડીયા-ચાસવડ ગામની વચ્ચે ડ્રાઇવરે સ્ટેયરીંગ ઉપરનો કાબુ ગુમાવતા રોડના સમાંતર આવેલા ઝાડ સાથ ગાડી અથડાઇ હતી. જેથી અકસ્માત સર્જાયો હતો. જેમાં 3 સાધુના મોત થયા હતા. જ્યારે 12 લોકોને ઈજા પહોંચી હતી.
ગાડીમાં સવાર 12 લોકોને ઈજા પહોંચી
નેત્રંગ કંબોડીયા-ચાસવડ વચ્ચે માર્ગ અકસ્માતની ઘટના સામે આવી છે. સાધુ-સંતોને લઈને જઈ રહેલી ગાડીના ચાલકે સ્ટેયરીંગ ઉપરનો કાબુ ગુમાવતા રોડના સમાંતર આવેલા ઝાડ સાથ ગાડી અથડાઇ હતી. જેમાં ગાડી હંકારનાર રાકેશકુમાર હરીપ્રસાદ સોનકરને (ઉ.41.રહે યુપી) શરીરના ભાગે ગંભીર ઇજાઓ પહોઁચતા ઘટનાસ્થળ ઉપર જ કરૂણ મોત નિપજ્યું હતું. જ્યારે વેદાંતી ગુરૂજી વૈષ્ણવ અને કેશવદાસ ગુરૂજી વૈષ્ણવને ગંભીર ઇજાઓના પગલે સારવાર દરમિયાન મોત નિપજ્યું હતું. જ્યારે ગાડીમાં સવાર અન્ય 12 સાધુ-સંતોને શરીરના ભાગે ઇજાઓ પહોંચતા સારવાર અથઁ ખસેડવામાં આવ્યાં હતા. ગમખ્વાર અકસ્માતની બનાવની જાણ થયા બાદ ઘટનાસ્થળ ઉપર લોક ટોળા ઉમટી પડ્યા હતા, અને સમગ્ર વિસ્તારની પ્રજામાં ઘેરા શોકનું મોજુ ફરી વળ્યું હતું. નેત્રંગ પોલીસે ગુનો નોંધી આગળની તપાસ હાથધરી હતી.
