મહેસાણા19 મિનિટ પહેલા
- કૉપી લિંક
વિશ્વ એઈડ્સ દિન નિમિત્તે જિલ્લા એઈડ્સ અટકાવ અને નિયંત્રણ યુનિટ, જિલ્લા આરોગ્ય તંત્ર, મહેસાણા દ્વારા આજરોજ સાર્વજનિક BSW/MSW કોલેજ–મહેસાણામાં શિક્ષકો અને વિદ્યાર્થીઓ મળી કુલ 60 થી 70 જેટલા લોકોએ ભાગ લઈ HIV/AIDS વિશે સમજણ આપેલ. જેમાં માન. ડૉ.અંજુ પરમાર જિલ્લા ટી.બી.–એચ.આઈ.વી. અધિકારી,મહેસાણા, જિલ્લા એઈડ્સ અટકાવ અને નિયંત્રણ યુનિટ, આઈસીટીસી કાઉન્સેલર તથા સીએસસી વિહાન હાજર રહી વિદ્યાર્થીઓનેHIV/AIDS જાગૃતિ વિષયક કાર્યક્રમ કરવામાં આવેલ હતો.
વિ.આર.પટેલ કોલેજ ઓફ કામર્સ,મહેસાણા ખાતે કોલેજના વિદ્યાર્થીઓ સાથે HIV/AIDS જાગૃતિ વિષયક કાર્યક્રમ કરવામાં આવેલ જેમાં કુલ 100 થી 120 જેટલા વિદ્યાર્થીઓ હાજર રહેલ હતા. સદર કાર્યક્રમ જિલ્લા એઈડ્સ અટકાવ અને નિયંત્રણ યુનિટ, આઈસીટીસી તથા સીએસસી વિહાન મહેસાણા દ્વારા આયોજિત કરવામાં આવેલ. જનરલ હોસ્પિટલ મહેસાણા ખાતે કાર્યરત એ.આર.ટી.સેન્ટરમાં એચઆઈવીગ્રસ્ત મૃત્યુ પામેલ લોકોને શ્રધ્ધાંજલી આપવા 2 મીનીટનું મૌન પાળવામાં આવેલ. જેમાં એન.એ.સી.પી. પ્રોગ્રામના તમામ સ્ટાફ હાજર રહયા હતા
વિશ્વ એઈડ્સ દિન નિમિત્તે જિલ્લામાં કાર્યરત અલગ ફેસીલીટી જેવી કેસીએસસી વિહાન,આઈસીટીસી,ટીઆઈ એનજીઓ,લીક વર્કર સ્કીમ સ્ટાફ દ્વારા વિવિધ કોલેજોમાં તેમજ ગ્રામ્ય કક્ષાએ જન જાગૃતિના કાર્યક્રમ કરવામાં આવેલ હતા.
