પરિવારના સભ્યોએ પોતાની દીકરી ઘરે પરત ના આવતા તેની શોધખોળ શરુ કરી હતી, પરંતુ તેનો કોઈ પત્તો લાગ્યો નહોતો. આ પછી તેમણે બાળકી ગુમ થયાની પોલીસ ફરિયાદ નોંધાવી હતી.
આ પણ વાંચોઃ અમદાવાદ પોલીસે છત વગર રસ્તા પર ઠંડીમાં ઠૂંઠવાતા લોકોને ધાબળા ઓઢાડ્યા
ફરિયાદ મળ્યા પછી પોલીસે આ કેસમાં તપાસ કરતા છોકરીનો મૃતદેહ શુક્રવારે સવારે નાળામાંથી મળી આવ્યો હતો. આરોપી શખ્સ છોકરીને પોતાની સાથે લઈ જતો હોવાનું CCTVમાં કેદ થયું છે. ટાઈમ્સ ઓફ ઈન્ડિયાના રિપોર્ટ્સ પ્રમાણે એવી વિગતો સામે આવી રહી છે કે આ ઘટના બની ત્યારે આરોપી શખ્સ નશાની હાલતમાં હતો, આ વિશે તેણે પોલીસને પણ જણાવ્યું છે.
જ્યારે છોકરી પોતાના ઘરની બહાર રમી રહી હતી ત્યારે પાડોશી આરોપી તેને ચોકલેટ ખવડાવવાના બહાને અવાવરું જગ્યા પર લઈ ગયો હતો. પોલીસની પ્રાથમિક તપાસમાં બહાર આવ્યું છે કે જ્યારે આરોપીએ છોકરી પર હુમલો કર્યો ત્યારે ચીસો પાડવાનું શરુ કર્યું હતું.
6 વર્ષની મૃતક છોકરીનું શારીરિક શોષણ થયું છે કે નહીં તે વિગતો તેનો પોસ્ટમોર્ટમ રિપોર્ટ સામે આવ્યા પછી જાણી શકાશે. જો આરોપીએ આવું કોઈ કૃત્ય કર્યું હશે તો તેની સામે અન્ય કલમો લાગુ કરવામાં આવશે. આરોપી ઘણી વખત છોકરી સાથે રમતો હતો, પોલીસને શંકા છે કે તેણે જ માસૂમની હત્યા કરીને લાશ નાળામાં નાખી દીધી હતી અને ત્યાંથી ફરાર થઈ ગયો હતો.
મૃતક છોકરીનો પરિવાર દિલ્હીના કપાશેરા વિસ્તારમાં ભાડાના મકાનમાં રહે છે, પોલીસે જણાવ્યું છે કે આ હત્યા પાછળનું ચોક્કસ કાણ શું હોઈ શકે તે અંગે તપાસ કરવામાં આવી રહી છે.
ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર
Tags: Delhi Crime, Delhi News, દિલ્હી, દિલ્હી પોલીસ