શર્મન જોશીની નવી ગુજરાતી ફિલ્મ કોન્ગ્રેચ્યુલેશન

ગુજરાતી ફિલ્મ કોન્ગ્રેચ્યુલેશન: આમ તો અત્યાર સુધી તમે સાંભળ્યું હશે કે સ્ત્રી ગર્ભવતી થઈ શકે છે. પરંતુ શું તમે સાંભળ્યું છે કે પુરુષ પણ પ્રેગનેન્ટ થાય? આ સાંભળીને તો તેમને નવાઈ પણ લાગશે પરંતુ ગુજરાતી ફિલ્મ ઈન્ડસ્ટ્રીમાં આવી રહી છે એક એવી ફિલ્મ, જેમાં ફિલ્મનાં એક્ટર શર્મન જોષી પ્રેગનેન્ટ જોવા મળશે. જી હા, ગુજરાતી ફિલ્મ ઈન્ડસ્ટ્રી દ્રારા દર્શકોને નવા નવા કન્સેપ્ટ પર ફિલ્મો અને વેબ સિરિઝ પીરસવામાં આવી રહી છે ત્યારે વધુ એક કોમેડી ફિલ્મ આગામી દિવસોમાં ધૂમ મચાવશે. બોલિવુડ સુપરસ્ટાર શર્મન જોષીની આવનારી ગુજરાતી ફિલ્મ “કોન્ગ્રેચ્યુલ્શન”નું પ્રથમ પોસ્ટર રિલિઝ કરવામાં આવ્યું છે.

રેહાન ચૌધરી ગુજરાતનાં સૌથી યુવા ડિરેક્ટર

બોલીવુડના જાણીતાં અને ગુજરાતનાં સૌથી યુવા ડિરેક્ટર રેહાન ચૌધરીએ આ ફિલ્મની સ્ટોરી જુદા જ વિષય સાથે લખી અને ડિરેક્ટ પણ કરી છે. ઉલ્લેખનીય છે કે, તેમની લાસ્ટ ગુજરાતી ફિલ્મ ‘ધુઆધાર’ સુપર હીટ રહી હતી. અલગ જ વિષય પર બનેલી આ ગુજરાતી ફિલ્મ દર્શકોને એક મનોરંજનનો અલગ જ અનુભવ કરાવશે, ગુજરાતી ઇન્ડસ્ટ્રીમાં હવે સારી સારી ફિલ્મો આવી રહી છે. લોકો હવે ગુજરાતી ફિલ્મો તરફ આકર્ષાઈ પણ રહ્યા છે.આ પણ વાંચો: તારક મહેતા કા ઉલ્ટા ચશ્માના વધુ એક દિગ્ગજે છોડી દીધો શો!

35 દિવસમાં અમદાવાદમા શૂટ થઈ ફિલ્મ

અમદાવાદમાં અલગ અલગ જગ્યાઓ આ ફિલ્મમાં જોવા મળશે. અમદાવાદના રિવરફ્રન્ટ અને પોળની વિવિધ જગ્યાઓ આ ફિલ્મમાં જોવા મળશે. આ અંગે ફિલ્મ ડિરેક્ટર રેહાન ચૌધરીએ જણાવ્યું કે, શર્મન જોશી પ્રોડક્શન દ્રારા ગુજરાતી ફિલ્મ બનાવવાનો નિર્ણય આજથી 1 વર્ષ પહેલા લેવામાં આવ્યો હતો. ત્યાર બાદ સ્ટોરી તૈયાર થયા બાદ શર્મન જોશીએ જાતે આ ફિલ્મમાં રોલ કરવાનું વિચાર્યુ હતું. ગોલમાલ, 3 ઈડિયટ અને અન્ય ફિલ્મોમાં ધમાકેદાર પર્ફોમન્સ આપ્યા બાદ કોમિક ગુજરાતી ફિલ્મ કોન્ગ્રેચ્યુલેશનમાં શર્મન જોષી હટકે અંદાજમાં જોવા મળશે. જેનું પોસ્ટર સૌને પસંદ આવી રહ્યું છે.

આ પણ વાંચો:  ઉર્વશી રૌતેલાના મમ્મી પણ આવ્યા મેદાનમાં, સંબંધ અને અકસ્માતને લઈને કરી દીધી મોટી વાત

પોસ્ટરમાં શર્મન જોશીનો હટકે અંદાજ

‘રંગ દે બસંતી’ ફિલ્મ એક્ટર શર્મન જોશી આ ફિલ્મમાં લીડ રોલમાં જોવા મળશે જે પ્રેગનેન્ટ હોય છે. ફિલ્મનાં પોસ્ટરમાં શર્મન જોશી પીળા રંગની ટીશર્ટમાં સ્પેશિયલ મેસેજ સાથે જોવા મળે છે. જેમાં લખ્યું છે કે, પેરેન્ટહુડ હેઝનો જેન્ડર આ મેસેજ દ્રારા ફિલ્મ અલગ જ સબ્જેક્ટ સાથે પ્રેઝન્ટ થશે જેને લઈને ફિલ્મ કેવી હશે તેનો અંદાજ લગાવી શકાય તેમ છે. બેઝિકલી આ ફિલ્મ ફેમિલી ડ્રામા હશે અને તે પરિવારનાં તમામ લોકો સાથે બેસીને જોઈ શકે તેવી હશે. ફિલ્મ ‘કોન્ગ્રેચ્યુલેશન’માં શર્મન જોશી સાથે માનસી પારેખ ગોહિલ પણ જોવા મળશે. આ સાથે જ જયેશ બારબહ્યા, અમી ભયાણી, અર્ચન ત્રિવેદી અને સ્વાતિ દવે જેવાં અનેક કલાકારો પણ જોવા મળશે. ડિરેકટર રેહાન ચૌધરી દ્રારા લખવામાં આવેલી આ ફિલ્મ 3જી ફેબ્રુઆરીએ રિલિઝ થશે.

તમારા શહેરમાંથી (અમદાવાદ)

Published by:Vimal Prajapati

First published: January 03, 2023, 18:07 IST

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarati film industry, Gujarati movie, Gujarati movies