વલસાડ મુંબઇ નેશનલ હાઇવે અકસ્માત મિત્રો મોત

ભરતસિંહ વાઢેર, વલસાડ: અમદાવાદ મુંબઈ નેશનલ હાઈવે પર વલસાડ નજીક રોલા ગામ પાસે એક ગંભીર અકસ્માત સર્જાયો હતો. મુંબઈ તરફથી સુરત તરફ જઈ રહેલી ઇકો કાર ધડાકાભેર ટ્રક સાથે અથડાઇ હતી.પરિણામે સર્જાયેલા ગંભીર અકસ્માતમાં કાર પલટી મારી ગઈ હતી. કારમાં સવાર ત્રણ વ્યક્તિઓને ગંભીર ઇજા થઈ હતી. જેમાં કારચાલકનું કરુણ મોત નીપજ્યું હતું. જ્યારે અન્ય બેને ઇજાઓ થતા સારવાર માટે હોસ્પિટલમાં ખસેડવામાં આવ્યા હતા.