- Gujarati News
- Local
- Gujarat
- Aravalli
- A Hilly Village With The Heaviest Amount Of Hail In The Field As If A Sheet Of Snow Had Been Spread Over It; Wheat, Maize Crops Are On The Brink Of Total Destruction
અરવલ્લી (મોડાસા)એક કલાક પહેલા
ખેડૂતોને કોઈપણ સિઝન હોય જો કુદરત રુઠે તો તેમણે ઘણું ભોગવવું પડે છે. ત્યારે અરવલ્લીમાં કમોસમી વરસાદ સાથે કરા પડ્યા હતા. 16 કલાક પછી પણ ખેતરોમાં જાણે બરફની ચાદર પથરાઈ હોય તેવી પરિસ્થિતિ જોવા મળી રહી છે. હવામાન વિભાગની આગાહી મુજબ ગઈકાલે અરવલ્લી જિલ્લામાં ભરપૂર કમોસમી વરસાદ ખાબક્યો હતો. સાથે સાથે ગાજવીજ અને ભારે કરા પડ્યા હતા. ત્યારે સૌથી વધારે કરા માલપુર તાલુકાના સુરાના પહાડિયા ગામે જોવા મળ્યા હતા.
વરસાદ પડ્યાના 16 કલાક કરતાં પણ વધુ સમય થયો હોવા છતાં હજુ ખેતરોમાં જાણે બરફની ચાદર પથરાયેલી હોય તેવી હાલત જોવા મળી રહી છે. આટલા લાંબા કલાકો પછી પણ નક્કર બરફ હજુ ખેતરોમાં છે. કરા પડવાથથી ખેતીવાડીને પણ વ્યાપક નુકસાન થયું છે. ઘઉં અને મકાઈનો પાક બિલકુલ નાશ પામ્યો છે. ત્યારે ખેડૂતો માટે કમોસમી વરસાદ વિલન બનીને આવ્યો છે.
એક તરફ ખેતીવાડી વિભાગ દ્વારા ખેડૂતોને બાગાયતી ખેતી તરફ વળવા માટે સૂચિત કરવામાં આવે છે ત્યારે ખેડૂતો બાગાયત ખેતી કરે છે પણ કુદરતને જાણે મંજૂર ના હોય એમ કમોસમી વરસાદથી સંપૂર્ણ શાકભાજીના પાક નષ્ટ થઈ રહ્યા છે. માલપુર તાલુકામાં કમોસમી કરા સાથે વરસાદના કારણે શાકભાજીના પાકમાં નુકસાન થયું છે.
માલપુરના રાસાપુર ગામે ખેડૂતની ત્રણ વીઘા જમીનમાં વાવેલી કોબીજનો પાક સંપૂર્ણ નાશ પામ્યો છે. કોબીજના પાકમાં એક વીઘામાં એક લાખ રૂપિયાનો ખર્ચ થાય છે ત્યારે લાખોની ઉપજની આશા સેવી રહેલા ખેડૂતોને રાતા પાણીએ રોવાના વારા આવ્યા છે. ગઈકાલે જે કરા પડ્યા જેના કારણે કોબીજનો તૈયાર પાક બગડી ગયો હતો. જેથી સંપૂર્ણ રીતે કોબીજમાં ખેડૂતોને નુકસાન વેઠવાનો વારો આવ્યો છે.
