વલસાડ28 મિનિટ પહેલા
- કૉપી લિંક
પ્રતીકાત્મક તસવીર
- વલસાડ જિલ્લાના RT-PCR ટેસ્ટિંગ સેન્ટરો ઉપર કુલ 730 ટેસ્ટ કરવામાં આવ્યા
વલસાડ જિલ્લામાં કોરોનાના કેસમાં વધારો થઈ રહ્યો છે. આજે જિલ્લામાં નવા 7 કેસ નોંધાતા એક્ટિવ કેસનો આંક 36 પર પહોંચી ચૂક્યો છે.
વલસાડ જિલ્લાના વિવિધ RTPCR ટેસ્ટિંગ સેન્ટર ઉપર ગઈ કાલના રોજ કોરોનાના સામાન્ય લક્ષણો ધરાવતા 730 જેટલા RTPCR ટેસ્ટિંગ કરવામાં આવ્યા હતા. આ તમામ ટેસ્ટ જિલ્લાની કોરોના ટેસ્ટિંગ લેબમાં ટેસ્ટ કરાવવામાં આવ્યા હતા. જેમાં વલસાડ તાલુકાના 1, પારડી તાલુકાના 1, વાપી તાલુકામાંથી 1, કપરાડા તાલુકામાંથી 1 અને ઉમરગામ તાલુકામાંથી 3 કોરોના સંક્રમિત દર્દીઓ જાહેર થયા હતા. સાથે જિલ્લા આરોગ્ય વિભગની સૂચના અને માર્ગદર્શન હેઠળ વલસાડ તાલુકામાંથી 2, પારડી તાલુકામાંથી 1 કોરોના સંક્રમિત યુવકે હોમઆઈસોલેશન દરમ્યાન આયુષ મંત્રાલયના માર્ગર્શન હેઠળ અને જિલ્લા આરોગ્ય વિભગની સૂચના મુજબ સારવાર મેળવીને કોરોનાને માત આપી જિંદગીની જંગ જીત્યા હતા. વલસાડ જિલ્લા કલેકટર અને જિલ્લા આરોગ્ય વિભાગ દ્વારા કોરોનાના સામાન્ય લક્ષણો ધરાવતા લોકોને નજીકના RTPCR ટેસ્ટિંગ સેન્ટર ઉપર સમયસર ટેસ્ટ કરવી લેવા અપીલ કરી હતી.
ઉમરગામ તાલુકામાં લગ્ન પ્રસંગોમાં ફોટો ગ્રાફી કરતો યુવક સહિત 2 ગૃહિણીઓ સંક્રમિત જાહેર થઈ છે. વલસાડ તાલુકામાંથી ખેડૂત સંક્રમિત જાહેર થયો, પારડી તાલુકાની ગૃહિણી સંક્રમિત જાહેર થઈ, વાપી તાલુકામાંથી એક યુવતી કોરોના સંક્રમિત જાહેર થઈ હતી. જ્યારે કપરાડા તાલુકામાંથી મહિલા કંપનીમાં નોકરી કરવા જતાં સંક્રમિત જાહેર થઈ હતી.