ડાંગ (આહવા)એક કલાક પહેલા
- કૉપી લિંક
આજરોજ કોંગ્રેસ પક્ષના નેતા રાહુલ ગાંધી સુરત સેશન કોર્ટ ખાતે આવ્યા છે. ત્યારે મોડી રાતથી જ ડાંગ જિલ્લા કોંગ્રેસ સમિતિના કાર્યકર્તાઓના ઘરે પોલિસ કાફલો ખડકી દઈ ડાંગ જીલ્લાના કોંગ્રેસ કાર્યકર્તાઓને વહેલી સવારે નજર કેદ કરી આહવા અને વઘઈ પોલિસ સ્ટેશન ખાતે ડીટેઈન કરવામાં આવ્યા હતા.
કોંગ્રેસ લીડર રાહુલ ગાંધીના સ્વાગત સત્કાર માટે સમગ્ર ગુજરાતમાંથી કાર્યકરો મોટી સંખ્યામાં સુરત ખાતે જશે ત્યારે પોલિસ તંત્ર એ ઠેર ઠેર નાકા ઉપર ચાંપતો બંદોબસ્ત ગોઠવી દીધો હતો.
જ્યારે બીજી બાજુ વહેલી સાવરથી ડાંગ જીલ્લા પ્રમુખ મોતીલાલભાઈ, ડાંગ જિલા કોંગ્રેસ મહામંત્રી મુકેશભાઈ પટેલ, મનીષભાઈ મારકણા,મીડિયા પ્રમુખ તુષાર કામડી, જીજ્ઞેશ પટેલ, વઘઈ તાલુકા કોંગ્રેસ પ્રમુખ ગમનભાઈ ભોયે, ઝાવડા પંચાયતના આગેવાન ખાલપાભાઈ, નરેશ રેંજડ, રમેશભાઈ સરપંચ સહિત વઘઈ તાલુકાના 50 થી વધુ આગેવાનોને મોડી રાતથી ડીટેઈન કરવામાં આવ્યા હતા.