વિસનગરએક કલાક પહેલા
- કૉપી લિંક
વિસનગરમાં સાંકળચંદ પટેલ યુનિવર્સિટી સંચાલિત નૂતન મેડિકલ કોલેજ અને રિસર્ચ સેન્ટર ખાતે ભારતીય જનતા પાર્ટી દ્વારા આયોજિત CPR અવરનેસ ટ્રેનિંગ કાર્યક્રમ યોજવામાં આવ્યો હતો. જેમાં મહેસાણા લોકસભા સંસદ શારદા પટેલની ઉપસ્થિતિમાં મહેસાણા જિલ્લામાં CPR અવેરનેસ અંતગર્ત મેનીક્યોર પર તાલીમ આપવા માટે કાર્યક્રમનું આયોજન કરવામાં આવ્યું હતું. જેમાં યુવાનોમાં વધતા જતા હાર્ટ એટેકના બનાવોમાં અવેરનેસ આવે તેમજ આવા બનાવોમાં મદદરૂપ થઈ જીવન બચાવી શકાય તે માટે આયોજન કરાયું હતું.
અત્યારના યુગમાં કોરોના મહામારી બાદ યુવાનોમાં હાર્ટ એટેકની સમસ્યાઓ વધી છે. જેમાં યુવાનોમાં હાર્ટ એટેક આવવાથી મૃત્યુ પામી રહ્યા છે. ત્યારે ભારતીય જનતા પાર્ટી દ્વારા આ અંગે કાર્યકર્તા CPR ટ્રેનિંગ અભિયાનનું આયોજન કરવામાં આવ્યું છે. જેમાં સમગ્ર રાજ્યની 36 મેડિકલ કોલેજમાં યુવાનોમાં થતી હાર્ટ એટેક સામે કેવી તાલીમ લઈ તેની મદદ કરી શકાય તે માટેનું આયોજન કરાયું છે. જેમાં વિસનગર ખાતે પણ લોકસભા સંસદની ઉપસ્થિતિમાં 5 તાલુકાના કાર્યકર્તાઓને મેનીક્યોર દ્વારા CPR અવેરનેસ ટ્રેનિંગ આપવા માટેનું આયોજન કરાયું હતું. જેમાં કાર્યકર્તાઓ તેમજ વિદ્યાર્થીઓ હાજર રહી આ તાલીમ મેળવી હતી.
ભારતીય જનતા પાર્ટી દ્વારા આયોજિત કાર્યક્રમ CPR ટ્રેનિંગ અભિયાનમાં મહેસાણા જિલ્લાના વિસનગર, મહેસાણા, જોટાણા, બેચરાજી, કડી, વિજાપુર તાલુકા શહેરના કાર્યકર્તાઓને તાલીમ આપવા માટેનું આયોજન નૂતન મેડિકલ કોલેજ અને રિસર્ચ સેન્ટર ખાતે રાખવામાં આવ્યું હતું. આ ટ્રેનિંગમાં વિસનગર શહેર તેમજ તાલુકા ભારતીય જનતા પાર્ટીનો એક પણ કાર્યકર્તા હાજર રહ્યો ન હતો.
આ અંગે નોર્થ ગુજરાત ભાજપના ડોક્ટર સેલના પ્રમુખ ડૉ. અનિલ પટેલે જણાવ્યું હતું કે, આજે ભારતીય જનતા પાર્ટી પ્રદેશ તરફથી ભાજપ ટીમ, નૂતન જનરલ હોસ્પિટલની ટીમ હાર્ટ એટેકમાં પંપીંગ કરીને હાર્ટ ફરીથી કઈ રીતે ચાલુ થઈ શકે તે માટે રાજ્યની 36 મેડિકલ કોલેજમાં 1200 નિષ્ણાંત ડોક્ટરોની ટીમ દ્વારા મહેસાણા જિલ્લાના મંડળના 100 કાર્યકરોને ટ્રેનિંગ આપવા માટેનું આયોજન કરેલું છે.
આ અંગે સાંકળચંદ પટેલ યુનિવર્સિટીના ચેરમેન પ્રકાશ પટેલે જણાવ્યું હતું કે, ગુજરાતની અંદર ભારતીય જનતા પાર્ટી દ્વારા ભારતીય જનતા પાર્ટીના મેડિકલ સેલ દ્વારા યુવાનોને જાગૃત કરવા તેમજ અનુભવ કરાવવા માટેનું આયોજન કરવાનો કાર્યક્રમ રાખવામાં આવ્યો છે. આપણે જાણીએ છીએ કે આજના યુગની અંદર 35થી 45 વર્ષના યુવાનોને પણ હાર્ટ એટેક આવી રહ્યો છે.
ક્યાંય પણ અગમ્ય કારણોસર એટેકનો સ્ટોક આવે ત્યારે તેને પ્રાથમિક સારવાર આપવામાં આવે તો ઘણા બધા યુવાનોનું જીવન આપણે બચાવી શકતા હોઈએ છીએ. આ ધ્યાને રાખીને ભારતીય જનતા પાર્ટીએ ગુજરાતના તમામ મેડિકલ કોલેજમાં CPR ટ્રેનિંગનો અવેરનેસ કાર્યક્રમ રાખવામાં આવ્યો છે. જે અંતર્ગત વિસનગરમાં પણ આયોજન કરવામાં આવ્યું છે. મહેસાણા જિલ્લાના 5 તાલુકાના 100 જેટલા કાર્યકર્તાઓને તાલીમ આપવામાં આવશે.
આ કાર્યક્રમમાં લોકસભા સંસદ શારદા પટેલ, મહેસાણા ધારાસભ્ય મુકેશ પટેલ, નોર્થ ગુજરાત બીજેપી ડોક્ટર સેલ પ્રમુખ ડો. અનિલ પટેલ, ડીન હિમાંશુ, મેડિકલ ડાયરેક્ટ ભરત શાહ, જિલ્લાના કાર્યકરો તેમજ નૂતન મેડિકલ કોલેજના વિદ્યાર્થીઓ મોટી સંખ્યામાં હાજર રહ્યા હતા.
