- Gujarati News
- Local
- Gujarat
- Dahod
- A Young Man Sitting On The Back Of A Speeding Bike Jumped On The Road In Hadmat Of Fatepura And Died, The Bike Driver Escaped.
દાહોદ18 મિનિટ પહેલા
- કૉપી લિંક
ફતેપુરા તાલુકાના હડમત ગામે અકસ્માત સર્જાયો હતો.જેમાં મોટર સાયકલની વધુ પડતી ઝડપને કારણે મોટર સાયકલ પર પાછળ બેઠેલા 38 વર્ષીય યુવક મોટર સાયકલ પરથી ફંગોળાઈને રોડ પર પટકાતાં તેને શરીરે ગંભીર ઈજાઓ થતાં તેનું સ્થળ પર જ મોત નીપજ્યુ હતુ.
રાત્રિના 10:30ના અરસામાં અકસ્માત સર્જાયો
સુખસર ગામના શૈલેષભાઈ કલસીંગભાઈ મકવાણા જીજે-20 બીસી-3642 નંબરની મોટર સાયકલ પર તેના જ ગામના ૩૮ વર્ષીય રાકેશભાઈ હીરાભાઈ મકવાણાને પાછળ બેસાડી મોટર સાયકલ પુરઝડપે અને ગફલત ભરી રીતે હંકારી જતાં હતા.તે વખતે હડમત ગામે રોડ પર રાત્રીના સાડા દશ વાગ્યાના સુમારે અકસ્માત સર્જાયો હતો.
માથાની ગંભીર ઈજા મોતનુ કારણ બની
જેમાં મોટર સાયકલની વધુ પડતી ઝડપને કારણે મોટર સાયકલ ઉછળતા પાછળ બેઠેલા રાકેશભાઈ હીરાભાઈ મકવાણા જમીન પર ફંગોળાઈ ગયા હતા.જેથી તેમને માથામાં તથા શરીરે ગંભીર જીવલેણ ઈજાઓ થતાં તેનું સ્થળ પર જ મોત નિપજ્યું હતું.જ્યારે રાકેશભાઈનું મોત નિપજ્યાનું જણાઈ આવતા મોટર સાયકલ ચાલક શૈલેષભાઈ કલસીંગભાઈ મકવાણા પોતાની મોટર સાયકલ લઈ નાસી ગયો હતો.
બાઈક ચાલક સામે ફરિયાદ નોંધાવાઈ
આ સંબંધે સુખસર ગામના મકવાણા ફળિયામાં રહેતા કલ્પેશભાઈ હીરાભાઈ મકવાણાએ નોંધાવેલ ફરિયાદને આધારે સુખસર પોલિસે સુખસર ગામના શૈલેષભાઈ કલસીંગભાઈ મકવાણા વિરૂધ્ધ ફેટલનો ગુનો નોંધી આગળની કાર્યવાહી હાથ ધરી છે.