- Gujarati News
- Local
- Gujarat
- Bharuch
- A Young Man Was Dragged By A Crocodile After Taking A Bath In The Narmada At Avidha Village In Vangkari, The Body Was Found With The Efforts Of Fire Fighters.
ભરૂચ11 મિનિટ પહેલા
- કૉપી લિંક
ભરૂચ જિલ્લામાંથી વહેતી નર્મદા નદીમાં લાંબા સમયથી મગરોનો ઉપદ્રવ જોવા મળે છે. જિલ્લાના ઝઘડિયા તાલુકામાં નર્મદામાં નહાવા પડેલ કે માછીમારી કરવા ગયેલ ઘણા ઇસમો ભુતકાળમાં મગરના હુમલાનો ભોગ બન્યા છે, ત્યારે ઝઘડિયા તાલુકાના અવિધા ગામના ડેરા ફળિયામાં રહેતો દિપક રામજીભાઇ વસાવા નામનો 39 વર્ષીય ઇસમ બપોરના સમયે નજીકમાં નર્મદા કિનારે ઘાસચારો લેવા ગયો હતો.ત્યારબાદ આ ઇસમ ગરમીને કારણે નર્મદા નદીમાં નહાવા ગયો હતો. એકાએક આવી ચઢેલ એક મગરે આ ઇસમને પગમાંથી પકડ્યો હતો. મગરની પકડમાંથી છુટવા દિપકે ભારે મથામણ કરી છતાં તે મગરના પંજામાંથી મુક્ત થઇ શક્યો નહિ. મગર આ ઇસમને નદીના ઉંડા પાણીમાં ખેંચી ગયો હતો. ઘટનાની જાણ થતાં વન વિભાગના આવી ગયું હતુ અને ફાયર ફાયટરોની ટીમ બોલાવાઇ હતી. નદીમાં શોધખોળ કરીને યુવકના મૃતદેહને બહાર કાઢવામાં આવ્યો હતો.
