સીંગવડના સુડિયામાં લગ્નમા ડીજે પાસે ઉભેલા છોકરાને વરસાદ પડતા જ લોખંડની એંગલથી કરંટ લાગ્યો, સારવાર દરમિયાન મોત | A boy standing near a DJ at a wedding in Singwad's Sudia was electrocuted by an iron angle as it rained, died during treatment | Times Of Ahmedabad

• Gujarati News
• Local
• Gujarat
• Dahod
• A Boy Standing Near A DJ At A Wedding In Singwad’s Sudia Was Electrocuted By An Iron Angle As It Rained, Died During Treatment

દાહોદએક કલાક પહેલા

• કૉપી લિંક

દાહોદ જિલ્લાના સીંગવડ તાલુકાના સુડીયા ગામે બે દિવસ પહેલાં રાત્રીના લગ્ન પ્રસંગમાં આવેલી અને ડીજે પાસે ઉભેલ 11 વર્ષીય છોકરાને લોખંડની એંગલમાંથી કરંટ લાગ્યો હતો. જેથી તેને દવાખાને દાખલ કરાયો હતો.જયાં સારવાર દરમ્યાન મોત નીપજતા પોલીસ ફરિયાદ નોંધાવાઈ છે.

લગ્નમા જ વાવાઝોડા સાથે વરસાદ તૂટી પડ્યો
સીંગવડ તાલુકાના સુડીયા ગામે હોળી ફળિયામાં રહેતાં બચુભાઈ મનસુખબાઈ નિસરતાના ઘરે લગ્ન પ્રસંગ હતા. ગત તા.28 મે ના રોજ રાતના સમયે વાનો હોઈ ફળિયાનો 11 વર્ષીય કમલેશભાઈ બાબુભાઈ ડામોર પણ વાનામાં આવ્યો હતો. તે દરમ્યાન રાત્રીના સાડા નવ વાગ્યાના સમયે કમલેશભાઈ ડામોર ડીજે પાસે ઉભો હતો તે સમયે વાવાઝોડા સાથે વરસાદ પડતો હતો.

છોકરાને કરંટ લાગતા દવાખાને લઈ જવાયો
ત્યારે જ કમલેશને ડીજેની લોખંડની એંગલને અડતાં જ તેમને સખ્ત વીજ કરંટ લાગતાં તેમની સ્થિત ગંભીર બનતા તેમને સારવાર માટે તાબડતોડ સીંગવડ સરકારી દવાખાને લાવવામાં આવ્યો હતો. જ્યાં સારવાર દરમ્યાન મોત નીપજ્યું હતું. આ સંબંધે અજીતભાઈ બાબુભાઈ ડામોરે રણધીકપુર પોલીસ મથકે જાણ કરતાં પોલીસે અકસ્માત મોત અન્વયે કાયદેસરની કાર્યવાહી હાથ ધરી છે.