હેરોએક કલાક પહેલા
- કૉપી લિંક
હેરો આર્ટસ સેન્ટર ખાતે વાર્ષિક પૂર્ણ કાઉન્સિલ મીટિંગ (ગુરુવારે 18 મે)માં મેયર બનાવવાના વિશેષ સમારંભમાં, Cllr રામજી ચૌહાણે હેરોના નવા મેયર તરીકે શપથ લીધા હતા. તેઓ હેરોના પ્રથમ પૂર્વ આફ્રિકન મેયર પણ છે જેમનો જન્મ કમ્પાલા, – યુગાન્ડામાં થયો હતો.
કમ્પાલા- યુગાન્ડામાં જન્મેલા અને 1972માં જ્યારે તેઓ નાની વયના હતા ત્યારે એશિયનોને દેશમાંથી હાંકી કાઢવામાં આવ્યા એ દરમિયાન બ્રિટનમાં સ્થળાંતરિત થયા હતા. 58 વર્ષીય સીએલઆર રામજી ચૌહાણ 30 વર્ષથી વધુ સમયથી હેરોમાં રહે છે. તેમનો પરિવાર ગુજરાતના કેશોદમાંથી આવે છે.
રામજી ચૌહાણે એક દાયકા કરતાં વધુ સમયથી Cllr તરીકે સેવા આપી
તેમનું રાજકીય જીવન 2010માં શરૂ થયું જ્યારે તેઓ વોર્ડમાં ઊંડો રસ લીધા પછી હેરો વેલ્ડ માટે Cllr તરીકે ચૂંટાયા – ખાસ કરીને ગ્રીનબેલ્ટની સુરક્ષા અને સ્થાનિક રહેવાસીઓ માટે ઉભા રહ્યા હતા. તેમણે એક દાયકા કરતાં વધુ સમયથી Cllr તરીકે સેવા આપી છે, અને કાઉન્સિલમાં સંખ્યાબંધ સમિતિઓ અને પેનલોમાં પણ સામેલ છે. તેઓ સ્થાનિક પર્યાવરણીય અને સંરક્ષણ સંસ્થાઓમાં કાઉન્સિલનું પ્રતિનિધિત્વ પણ કરે છે.
હેરોના મેયર રામજી ચૌહાણે જણાવ્યું હતું, “નવા મેયર અને હેરોના પ્રથમ નાગરિક તરીકે શપથ લેવા એ સન્માનની વાત છે. આ વર્ષની મારી થીમ એકતા અને વિવિધતા છે – હું દરેકને એક સાથે જોડવાનું ચાલુ રાખવાની, આપણા મતભેદોને ઉજવવાનું અને સાંસ્કૃતિક વિવિધતાને સ્વીકારવાની આશા રાખું છું.’
Cllr નિતેશ હિરાણી એપ્રિલ 2017માં પેટા-ચૂંટણીથી લંડન બરો ઓફ હેરો કાઉન્સિલના ચૂંટાયેલા સભ્ય છે, કેન્ટન ઈસ્ટ વોર્ડના રહેવાસીઓનું ગૌરવપૂર્વક પ્રતિનિધિત્વ કરે છે. કેન્ટન ઈસ્ટ વોર્ડના 40 વર્ષના ઈતિહાસમાં તેઓ ચૂંટાયેલા પ્રથમ કન્ઝર્વેટિવ કાઉન્સિલર છે.
તેઓ કેન્ટન ઈસ્ટ વોર્ડમાં તેમના પરિવાર સાથે રહે છે અને કેન્ટન ઈસ્ટમાં શ્રી કચ્છ સત્સંગ સ્વામિનારાયણ મંદિરમાં 2008 થી 2017 દરમિયાન સહાયક સચિવ તરીકે 9 વર્ષ સેવા આપી છે. તેઓ ગુજરાતી સમુદાયના સક્રિય સભ્ય છે અને કેટલાક સ્થાનિક સમુદાયના યુવા કાર્યક્રમોમાં પણ સામેલ છે. તેમનો જન્મ માંડવી, ગુજરાત, મોમ્બાસા કેન્યામાં થયો હતો અને તેમણે શિકાગો, યુએસએમાં અભ્યાસ કર્યો છે.