જામનગરના ગોકુલનગર વિસ્તારમાં બાઈક ધીમું ચલાવવાનું કહેતા યુવકે તેના ત્રણ સાગરિતો સાથે મળી હુમલો કર્યો | In Gokulnagar area of Jamnagar, the youth attacked him along with his three friends while asking him to slow down his bike. | Times Of Ahmedabad

જામનગરએક કલાક પહેલા

• કૉપી લિંક

જામનગરમાં ગોકુલ નગર વિસ્તારમાં રહેતી એક સગર્ભા મહિલા અને તેના પતિ ઉપર હુમલો કરવા અંગે ચાર શખ્સો સામે ફરિયાદ નોંધાવાઈ છે. આરોપી પોતાનું બાઈક લઈને ફૂલ સ્પીડમાં પસાર થતાં તેને ટપાર્યો હોવાથી અન્ય ત્રણ સાગરિતો સાથે આવીને આ હુમલો કરાયાનું પોલીસમાં જાહેર થયું છે.

આ બનાવની વિગત એવી છે કે જામનગરમાં ગોકુલ નગર વિસ્તારમાં રહેતી પ્રફુલાબા સંજયસિંહ ચુડાસમા નામની 23 વર્ષની સગર્ભા મહિલાએ પોતાને પેટના ભાગે લાત મારી ગંભીર ઇજા પહોંચાડવા અંગે તેમ જ પોતાના પતિ સંજય સિંહ ચુડાસમા ઉપર હુમલો કરવા અંગે રામદેવ ચાવડા અને તેના ત્રણ અજાણ્યા સાગરીતો સામે ફરિયાદ નોંધાવી છે. મહિલાને પેટના ભાગે ઇજા થઈ હોવાથી દુઃખાવો ઉપડતાં તેણીને 108 નંબરની એમ્બ્યુલન્સ મારફતે સારવાર માટે જામનગરની જી.જી. હોસ્પિટલમાં દાખલ કરવામાં આવી છે. જયાં તેણીની સારવાર ચાલી રહી છે.

આ બનાવની જાણ થતાં સીટી સી. ડિવિઝન નો પોલીસ સ્ટાફ જી.જી. હોસ્પિટલે દોડી ગયો હતો, અને પ્રફુલાબાની ફરિયાદના આધારે રામદેવ ચાવડા અને તેના અન્ય ત્રણ સાગરીતો સામે ગુનો નોધ્યો છે. પોલીસ ફરિયાદમાં જાહેર કરાયા અને પ્રફુલાબા તેના પતી સંજયસિંહ સાથે પોતાના ઘરના દરવાજા પાસે બેઠા હતા, તે દરમિયાન આરોપી રામદેવ ચાવડા પોતાનું બાઈક ફુલ સ્પીડમાં લઈને પસાર થતાં તેને ઠપકો આપ્યો હતો જેથી મનદુઃખ રાખીને અન્ય ત્રણ સાગરીતોને લઈને ફરીથી પાછો આવ્યો હતો. અને આ હુમલો કરી દીધા નું પોલીસમાં જાહેર કરાયું છે. પોલીસ ચારેય આરોપીઓને શોધી રહી છે.