અમરેલીએક કલાક પહેલા
- લિંક કૉપિ કરો
ધારી, ચલાલા અને જાફરાબાદ વિસ્તારમાં ભારે વરસાદ.
અમરેલી જિલ્લામાં ધમાકેદાર ચોમાસાનો પ્રારંભ થયો છે. છેલ્લા એક સપ્તાહથી જિલ્લામાં સતત વરસાદનો દોર જારી રહ્યો છે. ગુરુવારે ધારી, ચલાલા અને જાફરાબાદ વિસ્તારમાં વરસાદ પડ્યો હતો. મળતી માહિતી મુજબ જીલ્લાના ધારી ગીર વિસ્તારમાં ગુરૂવારે ફરી વરસાદ થયો છે. ધારીની આસપાસના ગામો અને ચલાલા નગરમાં પણ વરસાદ પડ્યો છે. ખાંભાના અનેક ગ્રામ્ય વિસ્તારોમાં વરસાદને પગલે વાતાવરણ ખુશનુમા બની ગયું છે.
જાફરાબાદ તાલુકાની અનેક સ્થાનિક નદીઓમાં પૂર જેવી સ્થિતિ શરૂ થઈ છે.
નદીઓમાં પૂરની સ્થિતિ
જાફરાબાદ તાલુકાના નાગેશ્રી, મીઠાપુર, બાલાણીવાવ, કથીરીયા, રાજુલાના કડીયાળી, છતડીયા, હિંડોરણા વિસ્તરણમાં અવિરત વરસાદ ચાલુ છે. સાવરકુંડલા તાલુકામાં આડાસંગ, થોરડી, આંબરડી સહિતના ગ્રામ્ય વિસ્તારોમાં વરસાદ પડ્યો છે. જણાવી દઈએ કે છેલ્લા એક સપ્તાહથી જિલ્લામાં મેઘરાજા મહેરબાન છે. જિલ્લાના અનેક તાલુકાઓની નદીઓમાં પૂરનો માહોલ જોવા મળી રહ્યો છે.
માધુપુર, લાખાપાદરમાં ભારે વરસાદને કારણે અહીંના ચેકડેમ ઓવરફ્લો થયા છે.
ચેક ડેમ ઓવરફ્લો થયો
ગત દિવસે પણ ધારી ગીર વિસ્તારના માધુપુર, લાખાપાદર સહિતના વિસ્તારોમાં ભારે વરસાદને કારણે અહીના ચેકડેમો છલકાઈ ગયા હતા. એક સપ્તાહથી જિલ્લાના મોટાભાગના વિસ્તારોમાં સતત પડી રહેલા વરસાદને કારણે ખેડૂતોમાં ખુશીનો માહોલ જોવા મળી રહ્યો છે, જેના કારણે ખેડૂતો ખેતરોમાં વાવણી શરૂ કરવામાં વ્યસ્ત બન્યા છે.
સુરતના કામરેજમાં ગુરુવારે સાંજે અઢી ઈંચ વરસાદને કારણે રસ્તાઓ પર પાણી ભરાયા હતા.
સુરત જિલ્લામાં સૌથી વધુ વરસાદ કામરેજમાં થયો હતો
સુરત સહિત જિલ્લાના વાતાવરણમાં પલટો આવ્યો છે. હવામાન વિભાગે 5 દિવસ સુધી સામાન્ય વરસાદની ચેતવણી જારી કરી છે. સુરત જિલ્લામાં ગુરુવારે સવારથી વરસાદ શરૂ થયો હતો. જેમાં 3 મીમી થી 65 મીમી સુધીનો વરસાદ નોંધાયો છે. સુરત જિલ્લામાં સૌથી વધુ વરસાદ કામરેજમાં 2.5 ઈંચ નોંધાયો છે. સુરત જિલ્લામાં ગુરુવારે વરસાદની તોફાની બેટિંગ થઈ હતી. જિલ્લાના કામરેજમાં અઢી ઈંચ વરસાદ નોંધાયો છે. જેના કારણે કામરેજની સોસાયટીઓમાં પાણી ભરાયા હતા. જ્યારે કામરેજ ગામમાંથી પસાર થતા સર્વિસ રોડ પર પણ પાણી ભરાઈ જતાં વાહનચાલકોને મુશ્કેલીનો સામનો કરવો પડ્યો હતો.
