છેલ્લી પાંચ મેચમાં ભારતે પાકિસ્તાનને હંફાવ્યું, બે વાર થયો ઉલટફેર

[og_img]

• બંને ટીમો વચ્ચે છેલ્લા પાંચ મુકાબલા ખૂબ જ રસપ્રદ રહ્યા
  
• છેલ્લી પાંચ ટક્કરમાં ભારત ત્રણ જ્યારે પાકિસ્તાન બે મેચ જીત્યું
  
• પાકિસ્તાને ચાર જ્યારે ભારતીય ટીમે માત્ર એક વાર ટોસ જીત્યો
  

એશિયા કપ 2022ની પોતાની પ્રથમ મેચમાં ભારતીય ટીમ દુબઈના મેદાન પર પાકિસ્તાન સામે ટકરાવાની છે. ભારત અને પાકિસ્તાન વચ્ચેની છેલ્લી પાંચ મેચ પર નજર કરીએ તો બંને ટીમો વચ્ચે ખૂબ જ રસપ્રદ મેચ જોવા મળી છે. આવી સ્થિતિમાં આજની મેચ પણ ઘણી રોમાંચક રહેવાની આશા છે.

ભારત-પાકિસ્તાનની ક્રિએક્ર્ન મેદાનમાં ટક્કર

એશિયા કપ 2022માં ભારતીય ટીમ પાકિસ્તાન સામે ટકરાવાની છે. દુબઈ ઈન્ટરનેશનલ ક્રિકેટ સ્ટેડિયમમાં યોજાનારી આ મેચ પર દુનિયાભરના ક્રિકેટ ચાહકોની નજર છે. આ બ્લોકબસ્ટર મેચમાં જ્યાં સ્ટાર બેટ્સમેન રોહિત શર્મા ટીમ ઈન્ડિયાની કેપ્ટનશીપ કરશે. બીજી તરફ બાબર આઝમ પાકિસ્તાન ટીમની કમાન સંભાળશે.

ભારતનું પલડું ભારી રહ્યું

ભારત અને પાકિસ્તાન વચ્ચેની છેલ્લી પાંચ મેચ પર નજર કરીએ તો બંને ટીમો વચ્ચે ખૂબ જ રસપ્રદ મેચ જોવા મળી છે. આ દરમિયાન પાકિસ્તાને ચાર વખત ટોસ જીત્યો હતો, જ્યારે ભારતીય ટીમે એક પ્રસંગે ટોસ જીત્યો હતો. ભારતીય ટીમે ત્રણ મેચ જીતી હતી, જ્યારે પાકિસ્તાની ટીમને બે વખત સફળતા મળી હતી. ચાલો જાણીએ ભારત અને પાકિસ્તાન વચ્ચે રમાયેલી છેલ્લી પાંચ મેચના પરિણામો.

1. T20 વર્લ્ડકપ 2021 (પાકિસ્તાન જીત્યું):

24 ઓક્ટોબર 2021ના રોજ દુબઈમાં રમાયેલી મેચમાં પાકિસ્તાને ભારતને 10 વિકેટથી હરાવ્યું. ટોસ હાર્યા બાદ પ્રથમ બેટિંગ કરતા ભારતીય ટીમે 20 ઓવરમાં સાત વિકેટે 151 રન બનાવ્યા હતા. વિરાટ કોહલીએ સૌથી વધુ 57 રન બનાવ્યા હતા. બીજી તરફ પાકિસ્તાન તરફથી શાહીન આફ્રિદીએ ત્રણ વિકેટ ઝડપી હતી. જવાબમાં બાબર આઝમ અને મોહમ્મદ રિઝવાન વચ્ચે 152 રનની અણનમ ભાગીદારીએ ભારતને ઉઘાડું પાડી દીધું હતું. વર્લ્ડકપમાં ભારત સામે પાકિસ્તાની ટીમનો આ પ્રથમ વિજય હતો.

2. ODI વર્લ્ડકપ 2019 (ભારતનો વિજય):

ODI વર્લ્ડકપ 2019ની ગ્રુપ મેચમાં પાકિસ્તાન સામે રોહિત શર્માનો ધમાકો જોવા મળ્યો હતો. ટોસ હાર્યા બાદ પ્રથમ બેટિંગ કરતા રોહિતે ભારતીય ટીમ માટે માત્ર 113 બોલમાં 140 રનની તોફાની ઇનિંગ રમી જેમાં 14 ચોગ્ગા અને ત્રણ છગ્ગાનો સમાવેશ થાય છે. રોહિતની આ યાદગાર ઇનિંગના કારણે ભારતે પાંચ વિકેટે 336 રનનો વિશાળ સ્કોર બનાવ્યો હતો. જવાબમાં 40 ઓવરમાં છ વિકેટે 212 રન જ બનાવી શકી હતી. ડકવર્થ અને લુઈસ નિયમ હેઠળ ભારતે તે મેચ 89 રને જીતી હતી.

3. એશિયા કપ 2018 (ભારતનો વિજય):

એશિયા કપ 2018 (ODI)માં ભારત અને પાકિસ્તાન વચ્ચે બે મેચ રમાઈ હતી. સુપર-4 તબક્કામાં રમાયેલી મેચ ખૂબ જ ખાસ હતી જેમાં ભારતે 9 વિકેટે જીત મેળવી હતી. દુબઈમાં રમાયેલી મેચમાં પ્રથમ બેટિંગ કરતા પાકિસ્તાને શોએબ મલિકના 78 રનની મદદથી 50 ઓવરમાં સાત વિકેટે 237 રન બનાવ્યા હતા. જવાબમાં ભારતીય ટીમે 63 બોલ બાકી રહેતા 9 વિકેટે મેચ જીતી લીધી હતી. શિખર ધવને સૌથી વધુ 114 અને કેપ્ટન રોહિત શર્માએ અણનમ 111 રન બનાવ્યા હતા.

4. એશિયા કપ 2018 (ભારતનો વિજય):

એશિયા કપ 2018 (ODI)ની ગ્રુપ મેચમાં ભારતીય ટીમે પાકિસ્તાનને માત્ર 162 રનથી હરાવ્યું. ટોસ જીતીને પ્રથમ બેટિંગ કરતા પાકિસ્તાન તરફથી બાબર આઝમે 47 અને શોએબ મલિકે 43 રન બનાવ્યા હતા. ભારત તરફથી ભુવનેશ્વર કુમાર અને કેદાર જાધવે ત્રણ-ત્રણ વિકેટ લીધી હતી. જવાબમાં ભારતે આઠ વિકેટે મેચ જીતી લીધી હતી. રોહિત શર્માએ 52 અને શિખર ધવને 46 રનનું યોગદાન આપ્યું હતું.

5. ચેમ્પિયન્સ ટ્રોફી 2017 ફાઇનલ (પાકિસ્તાન જીત્યું):

ચાહકો ચેમ્પિયન્સ ટ્રોફી 2017 (ODI)ની ફાઇનલમાં પાકિસ્તાન સામેની હારને ભૂલ્યા નથી. તે મેચમાં ભારતે ટોસ જીતીને પ્રથમ ફિલ્ડિંગ કરવાનો નિર્ણય લીધો હતો, પરંતુ ફખર ઝમાનના 114 રનની મદદથી પાકિસ્તાને ભારતને જીતવા માટે 339 રનનો ટાર્ગેટ આપ્યો હતો. જવાબમાં ટીમ ઈન્ડિયા 30.3 ઓવરમાં 180 રનમાં ઓલઆઉટ થઈ ગઈ હતી અને પાકિસ્તાને 180 રનથી મેચ જીતી લીધી હતી. ભારત તરફથી હાર્દિક પંડ્યા (76) સિવાય કોઈ બેટ્સમેન ટકી શક્યો નહોતો.