15 વર્ષથી ટી-20 વર્લ્ડ કપ (T20 World Cup 2022) ના ખિતાબની રાહ જોઈ રહેલી ભારતીય ટીમ (Indian Cricket Team) અને પ્રશંસકોની લાગણી આ નવી જાહેરાતમાં દર્શાવવામાં આવી છે અને આશા છે કે આ વખતે રાહ પૂરી થશે.
Virat Kohli ને વિજય રથ સ્ટાર્ટ કરતો દર્શાવ્યો
ઓસ્ટ્રેલિયામાં શરૂ થવામાં ટી20 વર્લ્ડ કપ 2022 (T20 World Cup 2022) માં હવે ગણતરીના દિવસો બાકી છે. ટીમ ઈન્ડિયા પણ 6 ઓક્ટોબર, ગુરુવારે આ મહત્વપૂર્ણ ટૂર્નામેન્ટ માટે ઓસ્ટ્રેલિયા ગઈ હતી. રોહિત શર્મા (Rohit Sharma) ની કપ્તાનીમાં ભારતીય ટીમે 15 વર્ષની ભારતીય રાહનો અંત લાવવા માટે તેના પગલાં ભર્યા છે અને હવે માત્ર 23 ઓક્ટોબરની રાહ છે, જ્યારે ભારતીય ટીમ (Indian Cricket Team) તેના અભિયાનની શરૂઆત કરશે. આવી સ્થિતિમાં ટૂર્નામેન્ટ માટે વાતાવરણ સર્જાયું છે અને અલગ-અલગ જાહેરાતો આવવા લાગી છે. આવા જ એક વિજ્ઞાપને ચાહકોને આકર્ષ્યા છે પરંતુ તેના પર પણ સવાલો ઉભા થઈ રહ્યા છે.
ભારતમાં ટૂર્નામેન્ટના સત્તાવાર પ્રસારણકર્તા સ્ટાર સ્પોર્ટ્સ દ્વારા ગુરુવારે ઓસ્ટ્રેલિયા જવા રવાના થયા પછી એક વિજ્ઞાપન ભારતીય ટેલિવિઝન સ્ક્રીન પર શરૂ થઈ હતી. આ વિજ્ઞાપન ભારતીય ચાહકોના ઈંતઝાર પર હતી, જે છેલ્લા 15 વર્ષથી ચાલી રહી છે. 2007માં પહેલો T20 વર્લ્ડ કપ જીતનારી ભારતીય ટીમ તે પછી ક્યારેય આ ટાઈટલ જીતી શકી નથી. આવી સ્થિતિમાં તેની ઈચ્છા થવી સ્વાભાવિક છે.
ટીમ ઈન્ડિયા ખતમ કરશે ઇંતઝાર
આવી સ્થિતિમાં, આ જાહેરાતમાં પણ ભારતીય ટીમ અને તેના પ્રશંસકોની આ રાહ સમાપ્ત કરવાની ઇચ્છા વ્યક્ત કરવામાં આવી હતી. ખાસ વાત એ છે કે આ એડમાં ટીમ ઈન્ડિયાના સ્ટાર બેટ્સમેન અને પૂર્વ કેપ્ટન વિરાટ કોહલી જોવા મળ્યો હતો, જે ઘણા ફેન્સ સાથે જૂની બસને ચમકાવતો જોવા મળ્યો હતો, જેમાં લખ્યું હતું- વિજય રથ. તેને ચમકાવીને કોહલીએ બસ સ્ટાર્ટ કરી અને સંકેત આપ્યો કે આ વખતે રાહ પૂરી થશે.
Bahut hua intezaar. It’s time to end the wait!#BelieveInBlue | #TeamIndia | #ReadyForT20WC | ICC Men’s #T20WorldCup 2022 | Starts Oct 16 pic.twitter.com/v0CZb9Pv9u
— Star Sports (@StarSportsIndia) October 6, 2022
