2022 માં ભારતીય ક્રિકેટ ટીમનું કેવું રહ્યું પરફોર્મન્સ? કોણે સૌથી વધારે રન બનાવ્યા કોને સૌથી વધારે વિકેટ ઝડપી?

INDIAN CRICKET TEAM: ટીમ ઇન્ડિયાએ (Team India) 25 ડિસેમ્બર, રવિવારે મીરપુરના શેર-એ-બાંગ્લા નેશનલ સ્ટેડિયમમાં બાંગ્લાદેશ સામેની બીજી ટેસ્ટ મેચમાં ત્રણ વિકેટથી જીત મેળવતા તમામ ફોર્મેટમાં 2022ના કેમ્પેનને પૂર્ણ કર્યુ હતું. ભારતીય ટીમે શ્રીલંકા, બાંગ્લાદેશ, દક્ષિણ આફ્રિકા અને ઇંગ્લેન્ડ સામે વર્ષ દરમિયાન 7 રેડ-બોલ મેચ રમી હતી અને ચાર વખત વિજય મેળવ્યો હતો. પ્રોટીઝ સામેની તેમની બે ટેસ્ટ મેચોમાં ભારતીય ટીમ તેની બંને મેચ હારી ગઈ હતી અને ઇંગ્લેન્ડમાં ઇંગ્લેન્ડ સામેની મેચ પણ હારી ગઈ હતી. સૌથી ટૂંકા ફોર્મેટમાં તેમની સફર વિશે વાત કરીએ તો મેન ઇન બ્લુએ આખા વર્ષમાં 40 મેચ રમી હતી. જેમાં એશિયા કપ 2022 અને ઓસ્ટ્રેલિયામાં યોજાયેલા ટી -20 વર્લ્ડ કપ 2022માં તેમની ટૂરનો સમાવેશ થાય છે. ભારતે વેસ્ટ ઇન્ડીઝ સામે સૌથી વધુ જીત નોંધાવી હતી, જેમાં આઠ મેચોમાં સાત જીત મેળવી હતી.

તેમનો સૌથી ખરાબ રેકોર્ડ ઇંગ્લેન્ડ અને દક્ષિણ આફ્રિકા સામેની તેમની મેચોમાં સામે આવ્યો હતો. કારણ કે ભારતીય ટીમે 2022માં હારની ટકાવારી (Team India’s Perfomance in Year 2022) સામે 50% જીત નોંધાવી હતી. જો કે, ભારતે તેની 40 મેચમાંથી 28 મેચ જીતી હતી. જેમાં એક મેચનું કોઈ પરિણામ આવ્યું ન હતું (દક્ષિણ આફ્રિકા સામે), જ્યારે બીજી મેચ ન્યુઝીલેન્ડ સામે ટાઇ (DLS મેથડ) રહી હતી.

50 ઓવરના ફોર્મેટમાં ભારતીય ટીમ કુલ 24 મેચ રમી હતી. જેમાંથી ટીમે 14 મેચોમાં જીતનો દાવો કર્યો હતો. જેમાં બે મેચનું કોઈ પરિણામ આવ્યું ન હતું અને કેલેન્ડર વર્ષમાં આઠ હાર થઇ હતી. નવેમ્બર અને ડિસેમ્બરના અંતમાં બાંગ્લાદેશ અને ન્યુઝીલેન્ડ બંને સામે સીરિઝમાં હાર નોંધાવતાં ભારતે તેમના વનડે અભિયાનની શરૂઆત ખૂબ જ ઓછી નબળી કરી હતી.

કોણે 2022માં ભારત માટે બનાવ્યા સૌથી વધુ રન અને સૌથી વધુ વિકેટ ઝડપી?

સાત જેટલી મેચો માટે રેડ-બોલ ટીમનો ભાગ રહ્યા બાદ રિષભ પંતે 680 રન સાથે ટેસ્ટ ફોર્મેટમાં બેટિંગ ચાર્ટમાં ટોચનું સ્થાન મેળવ્યું હતું. તેની 12 ઇનિંગ્સમાં બે સદી અને ચાર અડધી સદીનો સમાવેશ થાય છે અને 61.81ની એવરેજ સાથે વર્ષ પૂર્ણ થયું હતું. વર્ષના સારા ભાગ માટે સાઇડલાઇન પર રહેવા છતાં ફાસ્ટ બોલર જસપ્રિત બુમરાહે માત્ર પાંચ મેચોમાં 22 વિકેટ ઝડપી હતી. જેમાં તેની શ્રેષ્ઠ બોલિંગ ફિગર્સ એક ઇનિંગ્સમાં 5/24 હતી.

વન ડે ફોર્મેટમાં શ્રેયસ અય્યરે 17 મેચ રમી હતી. જેમાંથી તે 55.69ની એવરેજથી 724 રન બનાવવામાં સફળ રહ્યો હતો. અય્યર 2022ના કેલેન્ડર વર્ષમાં વનડે ફોર્મેટમાં ટીમ માટે સૌથી વધુ રન બનાવનાર બેટ્સમેન બન્યો હતો. એ જ રીતે વન-ડે વર્લ્ડ કપ 2023 માટે પોતાનું સ્થાન મજબૂત કરવાની તૈયારીમાં રહેલા મોહમ્મદ સિરાજે આ વર્ષે વનડેમાં ટીમ માટે સૌથી વધુ વિકેટ મેળવી છે, જેમાં તેણે ભાગ લીધેલી 15 મેચોમાં 24 વિકેટ ઝડપી છે.

ટી-20 વિશે વાત કરીએ તો, એક ચર્ચાનો મુદ્દો જે સામે આવ્યો તે એ હતો કે સૂર્યકુમાર યાદવે આખું વર્ષ પોતાનું જબરદસ્ત ફોર્મ જાળવી રાખ્યું હતું. તેણે 1164 રન બનાવ્યા હતા. જે આ વર્ષે 2022માં 31 ટી-20 મેચમાં કોઈ પણ ખેલાડી દ્વારા ફટકારાયેલા સૌથી વધુ રન છે, જેમાં બે સદી અને નવ અડધી સદીનો સમાવેશ થાય છે. ભુવનેશ્વર કુમાર વર્ષ દરમિયાન ટીમ માટે મહત્વનો રહ્યો હતો, કારણ કે તેણે માત્ર 31 ઇનિંગ્સમાં 37 વિકેટ ઝડપી હતી અને તેની શ્રેષ્ઠ બોલિંગ ફિગર્સ 5/4 હતી.

ટેસ્ટ રેકોર્ડ્સ (2022)

ઓપોઝીશન	મેચ	જીત	હાર	ટાઇ	ડ્રો
બાંગ્લાદેેશ	2	2	0	0	0
ઇંગ્લેન્ડ	1	0	1	0	0
સાઉથ આફ્રિકા	2	0	2	0	0
શ્રીલંકા	2	2	0	0	0
કુલ રમતો	7	4	3	0	0

ODI રેકોર્ડ્સ (2022)

ઓપોઝીશન	મેચ	જીત	હાર	ટાઇ	NR
બાંગ્લાદેશ	3	1	2	0	0
ઇંગ્લેન્ડ	3	2	1	0	0
ન્યૂઝીલેન્ડ	3	0	1	0	2
સાઉથ આફ્રિકા	6	2	4	0	0
વેસ્ટ ઇન્ડિઝ	6	6	0	0	0
ઝીમ્બાબ્વે	3	3	0	0	0
કુલ રમતો	24	14	8	0	2

T20I રેકોર્ડ્સ (2022)

ઓપોઝીશન	મેચ	જીત	હાર	ટાઇ	NR
અફઘાનિસ્તાન	1	1	0	0	0
ઓસ્ટ્રેલિયા	3	2	1	0	0
બાંગ્લાદેશ	1	1	0	0	0
ઇંગ્લેન્ડ	4	2	2	0	0
હોંગકોંગ	1	1	0	0	0
આયરલેન્ડ	2	2	0	0	0
નેધરલેન્ડ	1	1	0	0	0
ન્યૂઝીલેન્ડ	2	1	0	1	0
પાકિસ્તાન	3	2	1	0	0
સાઉથ આફ્રિકા	9	4	4	0	1
શ્રીલંકા	4	3	1	0	0
વેસ્ટ ઇન્ડિઝ	8	7	1	0	0
ઝીમ્બાબ્વે	1	1	0	0	0
કુલ રમતો	40	28	10	1	1

First published: December 29, 2022, 17:31 IST

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: India National Cricket team, Indian Cricket, Team india, ક્રિકેટ