ઓસામા બિન લાદેનના પુત્ર ઓમરની ઉંમર 41 વર્ષ છે, ઓમર વ્યવસાયે એક ઉત્કૃષ્ટ ચિત્રકાર છે, ઓમર તેની પત્ની ઝૈના સાથે ફ્રાન્સમાં વસવાટ કરે છે. બિન લાદેનના પુત્રએ ખુલાસો કર્યો છે કે તેના પિતા ઓસામા બિન લાદેન તેમનું કામ ચાલું રાખવા એક વારસદાર તરીકે કામ કરવાનું કહેતા હતા.
છબી ક્રેડિટ સ્ત્રોત: TV9 ડિજિટલ
એક સમયે જેના નામ માત્રથી જ દુનિયાભરમાં ખૌફ ફેલાઇ જતો હતો તે આતંકવાદી ઓસામા બિન લાદેન હાલ આ દુનિયામાં હયાત નથી. અમેરિકન હુમલામાં માર્યા ગયેલા બિન લાદેન અલકાયદાના સૌથી ખુંખાર આતંકવાદી હતા. ત્યારે હવે ઓસામા બિન લાદેનના ફ્રાંસમાં રહેતા પુત્ર ઓમરે મોટો ખુલાસો કર્યો છે. ઓમર બિન લાદેને કહ્યું છે કે ઓસામા બિન લાદેન પુત્રને તેના પગલે ચાલવાનું કહી રહ્યા હતા. અને, આ માટે ઓસામા બિન લાદેન તેમના પુત્રને તાલિમ પણ આપતા હતા. આંતરરાષ્ટ્રીય સમાચાર અહીં વાંચો. ખુંખાર આતંકી ઓસામા બિન લાદેનની દિલથી ઇચ્છા હતી કે તેનો પુત્ર ઓમર તેના કામકાજનો વારસદાર બને, અને, આતંકી સંગઠન અલ કાયદાની કમાન સંભાળે. ઓમરે કહ્યું કે “જ્યારે તે નાનો હતો, ત્યારે ઓસામા બિન લાદેને તેને અફઘાનિસ્તાનમાં બંદૂક ચલાવવાની તાલિમ આપી હતી. આ ઉપરાંત, લાદેને પુત્રને કૂતરા પર કેમિકલ શસ્ત્રોનું પરીક્ષણ પણ કરાવ્યું હતું.
કતારની મુલાકાત દરમિયાન લાદેનના પુત્ર ઓમરે ધ સન અખબારને મુલાકાત આપી હતી. આ મુલાકાતમાં ઓમરે દાવો કર્યો છે કે તે આ વેદનાથી ખુબ જ પિડાઈ રહ્યો છે. અને તેમના અબ્બાજાનના ખૌફનાક સમયને ભૂલવાનો પ્રયાસ કરી રહ્યો છે. ઉત્કૃષ્ટ ચિત્રકાર 41 વર્ષીય ઓમર બિન લાદેન તેની પત્ની જૈના સાથે ફ્રાન્સમાં વસવાટ કરે છે. ઓમરે કહ્યું છે કે ઓસામા બિન લાદેને આતંકી પ્રવૃતિઓ ચાલુ રાખવા તેની પસંદગી થઇ હતી. પરંતુ ઓમરે ન્યૂયોર્ક આતંકવાદી હુમલાઓ પહેલા એપ્રિલ 2001માં અફઘાનિસ્તાન છોડી દેવાનું મન બનાવી લીધું હતું.
શ્વાન પર રાસાયણિક શસ્ત્રોનું પરીક્ષણ
ઓમરે કહ્યું કે, ‘મેં આતંકી દુનિયાને બાયબાય કરી દીધી છે. ઓમરે કહ્યું, ‘લાદેનના સાગરિતોએ મારા કૂતરા પર રાસાયણિક વેપનનો ઉપયોગ કર્યો હતો. અને હું તેનાથી ખુબ નારાજ થયો હતો. હું આ ખરાબ સમયને ભૂલવાનો પ્રયાસ કરી રહ્યો છે. કારણ કે તે સમય ખુબ જ પીડાદાયક હતો.ઓસામા બિન લાદેનની પ્રથમ પત્ની નજવાના કુખેથી માર્ચ 1981માં સાઉદી અરેબિયામાં ઓમર બિન લાદેનનો જન્મ થયો હતો. પોતાની અમ્મીજાન વિશે ઓમરે કહ્યું, ‘મારી માતાએ મને ખુબ જ સુરક્ષાની લાગણી આપી છે. માતાએ મને ક્યારેય અલ-કાયદામાં જોડાવાનું કહ્યું નથી.
ઓમરે જીવનમાં ઘણું સહન કર્યું છે : ઓમરની પત્ની
ઓમરની 67 વર્ષીય પત્ની ઝૈનાએ અખબારી મુલાકાતમાં કહ્યું કે ઓમર મારો આત્માનો સાથી છે. અને મારા પતિએ જીવનમાં ઘણું સહન કર્યું છે. અને, તેમણે ખૂબ જ ખરાબ આતંકવાદી હુમલાનો સામનો પણ કર્યો છે. ઝૈનાએ આ સાથે ઉમેર્યું કે, ‘ઓમર એક જ સમયે ઓસામાને પ્રેમ અને નફરત બંને કરે છે. તે ઓસામાને એટલે પ્રેમ કરે છે, કારણ કે ઓસામા તેના પિતા હતા. પરંતુ લાદેને જે કર્યું તેથી પિતાને નફરત કરે છે.
