પોંકનો ભાવ કિલોના રૂપિયા 600
ભરુચ જિલ્લામાં જુવારના પાકમાંથી આ પોંક તૈયાર કરવામાં આવે છે. આ વર્ષે આ પોંકનો ભાવ કિલોના રૂપિયા 600 છે.પોંક ખાવા માટે ભરૂચી વાસીઓ એક વર્ષ સુધી રાહ જોતા હોય છે.જુવારના દંડાને કાપી તેને ભઠ્ઠીમાં નજીવી ગરમી આપવામાં આવતા જ પોંક તૈયાર થઈ જાય છે.
જુવારના દુંડામાંથી પોંકનો દાણા વેડફાઈ ન જાય તે માટે એક કાપડની મોટી કોથળીમાં તેને એક લાકડી વડે જાટકી દેવામાં આવે છે. તેથી દાણા કોથણીમાં એકત્ર થાય છે. પોંકના દાણાને સુપડાથી અલગ ટાળવી તેનું વેચાણ કરવામાં આવે છે.
તમારા શહેરમાંથી (ભરૂચ)
ચાલુ વર્ષમાં યોગ્ય ઉતાર નહીં આવતા પોંકના ભાવોમાં વધારો
હાલમાં અંકલેશ્વરના ગડખોલ પાટિયાથી ભરૂચ સુધી અને ત્યાંથી વડોદરા સુધી પોંકનું વેચાણ થાય તે તેમાં પણ અંકલેશ્વરના પોંકનો સ્વાદ સૌથી સ્વાદિષ્ટ હોય છે. જોકે, ચાલુ વર્ષમાં યોગ્ય ઉતાર નહીં આવતા પોંકના ભાવમાં વધારો જોવા મળ્યો છે. પોંકના કિલોનો ભાવ 600 રૂપિયા છે.
ગડખોલ પાટિયાથી લઈ નર્મદા મૈયા બ્રિજ સુધી પોંકની હાટડીઓ
નર્મદા નદી કાંઠે આવેલા અંકલેશ્વર તાલુકાના બોરભાઠા બેટ જુના કાસીયા, જુના છાપરા સહિતના ગામમાં ખેડૂતો પોંકની ખેતી કરે છે. વાણીમાંથી પોંક તૈયાર થાય છે, જેને આલુ સેવ સાથે ભેળવી તેનો સ્વાદ ચાખવામાં આવે છે. અંકલેશ્વર- ભરૂચ માર્ગ ઉપર ગડખોલ, પાટિયાથી લઈ નર્મદા મૈયા બ્રિજ સુધી પોંકની હાટડીઓ જોવા મળે છે.
ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર