મહિસાગર (લુણાવાડા)24 મિનિટ પહેલા
આજથી અંગ્રેજી કેલેન્ડર મુજબ નવું વર્ષ શરૂ થયું છે. 2023ના વર્ષનો પ્રથમ દિવસ છે. આજે પહેલી જાન્યુઆરીના દિવસે નવા વર્ષની ઉજવણી થતી હોય છે. તેવામાં લોકો વિવિધ ફરવા લાયક સ્થળો પર ફરવા માટે જતા હોય છે. તેવામાં મહીસાગર જિલ્લાના બાલાસિનોર રૈયોલી ખાતે આવેલું વિશ્વનું ત્રીજા નંબરનું ડાયનોસોર પાર્ક કે જ્યાં નવા વર્ષના પ્રથમ દિવસે પ્રવાસીઓ મોટી સંખ્યામાં ઉમટ્યા હતા.
ભુપેન્દ્ર પટેલે ડાયનોસોર ફોસીલ પાર્ક ફેસ 2નું ઉદ્ઘાટન કર્યું હતું
બાલાસિનોર તાલુકામાં આવેલા રૈયોલી ગામે સરકાર દ્વારા ડાયનોસોર ફોસીલ પાર્કનું નિર્માણ કરવામાં આવ્યું છે. તાત્કાલિક મુખ્યમંત્રી વિજય રુપાણી દ્વારા આ પાર્કનું ઉદ્ઘાટન કરવામાં આવ્યું હતું. ત્યારબાદ રાજ્યના હાલના મુખ્યમંત્રી ભુપેન્દ્ર પટેલ દ્વારા ડાયનોસોર ફોસીલ પાર્કના ફેસ 2નું ઉદ્ઘાટન કરવામાં આવ્યું હતું. અહીંયા ફરવા આવતા લોકો ડાયનોસોરનું વીશાળકાય સ્ટેચ્યુ, હાડપિંજર તેમજ 5D ફિલ્મ દ્વારા ડાયનોસોર વિશે દર્શાવતી માહિતી જોવા મળે છે.