ટોસ હારીને પ્રથમ બેટિંગ આવ્યા બાદ ભારતે શાનદાર શરૂઆત કરી હતી. રોહિત શર્મા અને શુભમન ગિલની ઓપનિંગ જોડીએ સદીની ભાગીદારી કરી હતી. ગિલ 70 અને રોહિત 83 રન બનાવીને આઉટ થયા હતા. આ પછી વિરાટ કોહલીએ 113 રન બનાવ્યા હતા. આ ત્રણ બેટ્સમેનોના શાનદાર યોગદાનને કારણે ભારતે 373 રનનો મોટો સ્કોર બનાવ્યો હતો.
ભારતીય ટીમનો સ્કોર એક સમયે 400 થાય એવું લાગતું હતું પણ બાદમાં કોહલીની સદી છ્તાં ટીમ 373 રન સુધી સીમિત રહી હતી. જવાબમાં શ્રીલંકાની શરૂઆત ખૂબ જ ખરાબ રહી હતી. પાવરપ્લેમાં બે વિકેટ ગુમાવ્યા બાદ શ્રીલંકાને વાપસી કરવી મુશ્કેલ લાગી હતી. નિશંકા 72 અને કેપ્ટન શનાકા સદી બનાવી શક્યા હતા. એક સમયે નિશંકા એક છેડે ઊભો હતો, પણ બીજા છેડે તેને કોઈનો સહારો નહોતો મળ્યો. નિશંકા 72 રન બનાવીને આઉટ થયો હતો. આ દરમિયાન ધનંજય ડી’સિલ્વાએ 47 રન બનાવ્યા, પરંતુ તે પૂરતા ન હતા. અંતમાં કેપ્ટન દાસુન શનાકાએ 108 રનની ઇનિંગ રમી હતી, પરંતુ ત્યાં સુધીમાં ઘણું મોડું થઈ ચૂક્યું હતું. શનાકા એક છેડે 108 રન બનાવીને અણનમ રહ્યો હતો, પરંતુ શ્રીલંકાની ટીમ 67 રનથી મેચ હારી ગઈ હતી.
ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર
Tags: IND VS SL, India Vs SL, India vs srilanka