વડોદરાએક કલાક પહેલા
- કૉપી લિંક
પ્રતિકાત્મક તસવીર
વડોદરાના પાદરામાં યુવાને એક યુવતીને લગ્ન કરવાના સપના બતાવી દુષ્કર્મ આચર્યું હતું. જવાનીના જોસમાં યુવાને અવાર-નવાર દુષ્કર્મ આચર્યું હતું. યુવતી પણ યુવાન લગ્ન કરશે તેવી આશાએ પોતાનું શરીર સોંપતી રહી હતી. દરમિયાન યુવતી ગર્ભવતી બની ગયા બાદ યુવાને લગ્ન કરવાનો સ્પષ્ટ ઇન્કાર કરી દેતા અને અન્ય યુવતી સાથે સગાઇ કરી લેતા ગર્ભવતી બનેલી યુવતીને રડવાનો વખત આવ્યો છે. જુવાનીના જોસમાં પોતાની જિંદગી બરબાદ કરી નાંખનાર યુવતીએ પોતાની ભાવિ જિંદગી બચાવવા માટે અભયમની મદદ લીધી હતી. જોકે, અભયમે યુવતીની જિંદગી બરબાદ કરનાર યુવાનનો સંપર્ક કર્યો હતો. પરંતુ તે મળી ન આવતા અભયમ ટીમે યુવાન સામે કાર્યવાહી કરવા પાદરા પોલીસને જાણ કરી હતી. જોકે, પાદરા પોલીસ મથકના PSO કહે છે કે, અભયમ ટીમ તરફથી કોઇ જાણ કરવામાં આવી નથી.
યુવતી પ્રેમમાં ગળાડૂબ બની
અભયમ દ્વારા મળેલી માહિતી મુજબ પાદરા તાલુકાની 23 વર્ષિય દક્ષા (નામ બદલ્યું છે) સાથે વડોદરા તાલુકાના 25 વર્ષિય રાકેશ (નામ બદલ્યું છે)નો પરિચય થયો હતો. અને આ પરિચય પ્રેમમાં પરિણમ્યો હતો. પ્રેમસંબધ બંધાયા બાદ બંને અવાર-નવાર મળતા હતા. રાકેશ દક્ષાને જ્યારે મળે ત્યારે પ્રેમભરી વાતો કરીને વધુને વધુ પોતાની પ્રેમ જાળમાં ફસાવતો ગયો હતો.
અવાર-નવાર દુષ્કર્મ આચર્યું
પ્રેમના દિવસો દરમિયાન રાકેશે પ્રેમિકા દક્ષાને લગ્ન કરવાનું પણ વચન આપી દીધું હતું. રાકેશે લગ્ન કરવા માટે લાલચ આપતા દક્ષા પ્રેમિ રાકેશ જે કંઇ કહે તે કરવા તૈયાર થઇ જતી હતી. પ્રેમની જાળમાં પૂરેપૂરી ફસાઇ ગયેલી દક્ષાને લગ્નની લાલચ આપીને દુષ્કર્મ આચરવાનું શરૂ કર્યું હતું. અવાર-નવાર રાકેશ દ્વારા દુષ્કર્મ આચરતા દક્ષા ગર્ભવતી બની ગઇ હતી. ગર્ભવતી બન્યા બાદ દક્ષાએ રાકેશ ઉપર લગ્ન કરવા માટે દબાણ લાવવાનું શરૂ કર્યું હતું. પરંતુ, રાકેશ કોઇને કોઇ બહાના બતાવી દક્ષાની વાતને ટાળી દેતો હતો. અને પુનઃ લગ્ન કરવાના સપના બતાવી દુષ્કર્મ આચરતો જતો હતો.
દક્ષાએ અભયમની મદદ લીધી
દરમિયાન દક્ષાનું લગ્ન માટે દબાણ વધતા રાકેશે દક્ષાને લગ્ન કરવાનો સ્પષ્ટ ઇન્કાર કરી દીધો હતો. રાકેશે લગ્ન કરવાનો સ્પષ્ટ ઇન્કાર કરી દેતા દક્ષાએ પોતે ગર્ભવતી થઇ ગઇ હોવાનું જણાવતા રાકેશે કહ્યું કે, આતો તો મિત્રતા હતી. તારી સાથે લગ્ન કરાય નહિં. અને દક્ષા સાથે રાકેશે સંબધ કાપી નાંખ્યા હતા. રાકેશે સંબધો કાપી નાંખતા પસ્તાયેલી અને કુંવારી માતા બનવાના કગાર ઉપર આવીને ઉભી થઇ ગયેલી દક્ષાએ આખરે 181 અભયમ ટીમની મદદ લેવાનું નક્કી કર્યું હતું.
પાદરા પોલીસે કહ્યું અભયમે ફરિયાદ આપી નથી
દક્ષાએ અભયમ ટીમનો સંપર્ક કરી પોતાની આપવિતી જણાવતા અભયમ ટીમે રાકેશની શોધખોળ કરી હતી. પરંતુ, રાકેશ મળી આવ્યો ન હતો. અને તેનો મોબાઇલ ફોન પણ સ્વિચ ઓફ બતાવતો હતો. આથી અભયમ ટીમે આ ઘટનાની ફરિયાદ પાદરા પોલીસને ત્રણ દિવસ પહેલાં રાતના સમયે કરી હતી. જોકે, આ બાબતે પાદરા પોલીસ મથકનો સંપર્ક સાધતા પાદરા પોલીસ મથકમાં શુક્રવારે સાંજે 5-20 લાગે ફરજ બજાવનાર PSO એ જણાવ્યું હતું કે, અભયમ દ્વારા આવી કોઇ અરજી કે ફરિયાદ આપવામાં આવી નથી.
અભયમની યુવતીઓને અપિલ
અભયમ ટીમે દક્ષાના કિસ્સા ઉપરથી યુવતીઓને અપિલ કરતા જણાવ્યું છે કે, લગ્ન વગર શારિરીક સબંધ રાખવાં એ અત્યંત ગંભીર અને જોખમ કારક છે. અવાર-નવાર આવા કિસ્સઓ આવે છે. જેથી દરેક યુવતીઓને ખાસ સુચન છે કે લગ્ન પહેલાં કોઈપણ લાલચ કે આવેશમાં આવી કોઈ સાથે શારિરીક સબંધ રાખવાં નહિ., નહિ તો ગંભીર પરિણામ આવી શકે છે.